Japanische Schrift

Die japaanischi Schrift
Schrifttüp	Logografii und Silbeschrift
Sprooche	Japaanisch
Verwändigszit	max. 5. Joorhundert bis hüt
Verwändet in	Japan, Palau (uf Angaur)
Offiziell in	Japan Japan Palau
Unicodeblock	U+4E00–U+9FBF Kanji U+3040–U+309F Hiragana U+30A0–U+30FF Katakana
ISO 15924	Jpan (allgemäin) Hani (Kanji) Hira (Hiragana) Kana (Katakana) Hrkt (Hiragana+Katakana) Latn (Latiinisch)
Kana- und Kanji-Kalligrafii-Üebige us Kyōto

Die japaanischi Schrift bestoot us meerere Schrifte. Im japaanische Schriftsüsteem brucht mä Kanji, Kana und Romaji funktionaal gliichberächdigt nääbenenander as Schribschrift.

D Kanji (japaanisch 漢字) chömme vo dr chineesische Schrift (chin. 漢字 / 汉字, Hànzì) und bilde as Logogramm mäistens dr Wortstamm ab. Kana, d. h. Hiragana (japaanisch 平仮名 oder ひらがな) und Katakana (japaanisch 片仮名 oder カタカナ) hingeege si Silbeschrifte (gnauer Moreschrifte) us em histoorische Man’yōgana, wo sich vo dr chineesische „Graasschrift“ (au Konzäptschrift) häärläitet. Die drei Schrifte wärde im ISO-15924-Kood mit dr Abchürzig Jpan zsämmegfasst.

As witeri Schrift wird in dr modärne japaanische Sprooch s latiinische Alfabeet verwändet, wo z Japan as Rōmaji (japanisch ローマ字) bezäichnet wird. Zaale wärde äntwäder im Kanji oder mit araabische Ziffere gschriibe.

Die verschiidene Schriftarte häi speziifischi Funkzioone (z. B. Hiragana vilmol für grammatikaalischi Forme, Katakana hauptsächlig für Fremdwörter, Kanji hüfig für e Sinninhalt). Die histoorisch gwaggsene komplexe Schriftkultuure mit de verschiidene Schrifte wärde in Alldaagstext paralleel brucht.