Mathematische Logik

Die mathematischi Logik (früener Logistik, sümbolischi Logik, Metamathematik) isch e Däilgebiet vo dr Mathematik und vo dr formale Logik. Vilmol däilt mä si in d Däilgebiet Modälltheorii, Bewiistheorii, Mängileer und Rekursionstheorii ii. Die mathematischi Logik het wichdigi Biidrääg zu de Grundlaage vo dr Mathematik gmacht. Doorum isch si au under em Begriff Metamathematik bekannt.

Äi Aspäkt vo de Undersuechige vo dr mathematische Logik isch s Studium vo dr Usdruckssterki vo formale Logike und formale Bewiissüsteem. Zum d Komplexizidäät vo sonige Süsteem z mässe, cha mä feststelle, was mä mit ene cha bewiise oder definiere.

Früener het mä dr mathematische Logik au sümbolischi Logik hsäit, as Geegesatz zur filosofische Logik. Dä Naame brucht mä aber hützudags nume no für gwüssi Aspäkt vo dr Bewiistheorii.