Messias

Dr Begriff Messias (hebräisch ‏משיח‎ Maschiach oder Moschiach, aramäisch Meschiah, in griechischer Transkripzioon Μεσσίας, ins Griechische übersetzt Χριστός Christos, latinisiert Christus) stammt us em Tanach und bedütet dr „Gesalbti“. Er wird dört für Köönig und Hoochibriester verwändet.

D Übersetzig vom hebräische Wort in dr griechische Septuaginta isch im Christedum zur Bezäichnig und zum Ditel vom Jesus Christus worde. D Christe glaube nämlig, ass sich d Brophezeijige im Alte Testamänt, vor allem im Buech Jesaja uf e Jesus vo Nazareth wurde bezie. Dä Aaspruch und au dä vo alle andere Lüt, wo sich im Lauf vo dr Gschicht as Messias bezäichnet und mänggisch au e hufe Aahänger gfunde häi, wird im Juudedum nit anerkennt.