Sevilla

Sevilla
Wappe	Charte vo Spanie
Basisdate
Autonomi Gmäinschaft:	Andalusie
Browinz:	Sevilla
Comarca:	Sevilla
Koordinate	37° 24′ N, 6° 0′ W37.3925-5.992512Koordinate: 37° 24′ N, 6° 0′ W
Hööchi:	12 msnm
Flechi:	141,31 km²
Iiwooner:	688.592 (1. Jan. 2019)[1]
Bevölkerigsdichdi:	4.872,92 Einw./km²
Bostläitzaal:	410**
Gemeindenummer (INE):	41091 Vorlage:Infobox Gemeinde in Spanien/Wartung/cod_ine
Nächster Flughaafe:	Flughaafe vo Sevilla 10 km nordöstlig vom Stadtzentrum
Verwaltig
Bürgermäister:	Juan Espadas Cejas (PSOE)
Website:	www.sevilla.org

Sevilla (im madrilenische Spanisch [seˈβiʎa], im andalusische Spanisch [seˈβiʒa]) isch d Hauptstadt vo dr Autonome Gmäinschaft Andalusie und vo dr Browinz Sevilla in Spanie. D Stadt het mee as 700'000 Iiwooner und isch die viertgrössti in Spanie. Noch ere spoote Legände isch si vom griechische Helde Herakles gründet worde. D Iiwooner häisse Sevillanos.

D Stadt isch e wichdige Industrii- und Handelsblatz und e Turistezentrum. Sevilla lit uf ere wite und fruchtbare Eebeni uf bäide Site vom Guadalquivir, wo bis doo aane au Seeschiff chönne uf em faare. Es stönde e Hufe Dürm in dr Stadt und si gseet dorum vo alle Site imposant us. Die äigentligi Stadt lit uf em östlige Ufer vom Guadalquivir und um sä ume lige d Vorstedt Los Humeros, Cesteria, Baratillo, Carreteria, Resolana mit em groosse Hospital La Caridad, San Bernardo, San Roque y la Calzada und Macarena mit em Hospital de la Sangre. Vo dr alte Ringmuure, wo emol 66 Dürm ghaa het und rund um die inneri Stadt gange isch, si nume no e baar Überräst vorhande. Am rächte Ufer vom Fluss bräitet sich die groossi Vorstadt Triana us.

1. ↑ Cifras oficiales de población resultantes de la revisión del Padrón municipal a 1 de enero. Bevölkerungsstatistiken des Instituto Nacional de Estadística (Bevölkerungsfortschreibung).