Sri Lanka

இலங்கை ஜனநாயக சமத்துவ குடியரசு Demokratische Sozialistische Republik Sri Lanka
Amtsspraach	Sinhala, Tamil
Hauptstadt	Colombo
Regierigssitz	Sri Jayawardenepura
Staatsoberhaupt	Gotabaya Rajapaksa
Regierigschef	Mahinda Rajapaksa
Flächi	65.610 (119.) km²
Iiwohnerzahl	20.222.240 (56.) (Stand: Juli 2006)
Bevölkerigsdichti	308,2 Iiwohner pro km²
Brutto­inlands­produkt pro Iiwohner	1.160 US-$ (118.) (2004)
Währig	Sri-Lanka-Rupie (LKR)
Unabhängigkeit	vo Grossbritannie am 4. Februar 1948
Nationalhimne	Sri Lanka Matha
Nationalfiirtig	4. Februar
Zitzone	UTC +5,5h
Kfz-Kennzeiche	CL
Internet-TLD	.lk
Vorwahl	+ 94

Sri Lanka, bis 1972 Ceylon (amtlig: Demokratischi Sozialischtischi Republik Sri Lanka) isch än Inselstaat im Indischen Ozean 31km vor der Südschpitze vom Indische Subkontinent. D Insle wird au Perle vom Indische Ozean^[1] gnennt und het ca. 20 Millione Iiwohner.

Wäge ihre Lag isch d Insle ä schtrategische Punggt für d Seefahrt zwüsche Wescht- und Südostasie. Si isch eins vo de Zentre vom antike Buddhismus. Hüte isch s Land ä multireligiösi und multiethnischi Nation, in welere näbem Buddhismus vor allem der Hinduismus, s Christentum und der Islam bedütendi Religione si. Dr Buddhismus wird aber vom Schdaat bevorzugt behandelt; so gseht die srilankischi Verfassig vor, ass dr Schdaat für ä Schutz und d Pfläg vom Buddhismus verantwortlig isch.^[2][3]

D Singhalese möche dr gröschd Deil vo dr Bevölkerig us. D Tamile, wo vor allem im Norde und Oschde vom Land und in der Hauptstadt Colombo läbe, stelle die gröschdi Minderheit. Anderi ethnischi Minderheite si d Moore, Malaie und Burgher.

1. ↑ Pearl of the Indian Ocean, The Sunday Tribune
2. ↑ Kapitel 2 vo der srilankische Verfassig Archivlink (Memento vom 3. März 2016 im Internet Archive)
3. ↑ Current Affairs Archivlink (Memento vom 28. Februar 2008 im Internet Archive)