Wahrnehmung

S Woornee (me säit au d Perzepzioon – oder mundartlech s Gspüüre) isch s Samlen und s Spychere vo Informazione, wo vo Räiz us dr Umwält und us em Innere vom ene Lääbewääse chöme.

Do drby tuet s Läbewääse unbewusst – und bim Möntsch teils au bewusst – d Informazioone ufnää und verarbeite, sortiere und zämefüere, so dass für iins e Gsamtydruck entstoot, wo e Sinn gitt. Die nöie Ydrück wärde mit de scho gspycherete Vorstellige vrglyche und versteerche oder verbessere s Bild vo dr Umgäbig.

D Inhalt und d Kwalidääte von ere Woornäämig chönne mänggisch (aber nit immer) dur e ziilti Stüürig vo dr Ufmerksamkäit und dur Woornäämigsstrategie veränderet wärde. D Gsamthäit vo alle Vorgäng vo dr Sinneswoornäämig bezäichnet mä au as Sensorik. Do drfüür bruucht der Körper psunderi Orgaan und s Hirni.

Für s Gspüüre vo Sache, wo uuser eim sy, git’s die füüf Sinn:

• s Schmöcke mit dr Naase
• s Gsee
• s Lose
• s Schmöcke im Muul
• s Gspüüre bim Aalänge vo öppisem

Anderi Sache, wo me gspüürt:

• s Glychgwicht
• wie d Zyt vrgoot