Winston Churchill

Dr Sir Winston Leonard Spencer-Churchill^[1] (* 30. Novämber 1874 z Woodstock (Ängland); † 24. Januar 1965 z London) gältet as dr bedütendst britisch Staatsmaa im 20. Joorhundert. Er isch vo 1940 bis 1945 und vo 1951 bis 1955 Brömieeminister gsi und het Groossbritannie im Zwäite Wältchrieg aagfüert. Er het vorhäär scho meereri Regierigsböste ghaa, under anderem dä vom Erste Lord vo dr Admiralidäät, dä vom Inne- und dä vom Finanzminister. Er het sich e Naame as Autor vo politische und historische Wärk gmacht und het 1953 dr Nobelbriis für Litratuur überchoo.

1. ↑ Dr Naame Spencer chunnt vom ursprünglige Familienaame vo sine Vorfaare väterligersits; dr Vornaamen Leonard het er zu Eere vo sim Groossvater müeterligersits, Leonard Jerome, überchoo.