Alerchia

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Advertencia: Biquipedia no ye un consultorio medico.

Si creye que aprecisa d'aduya, por favor consulte con un profesional d'a salut.

L'alerchia ye una reacción anormal y excesiva d'o sistema immunitario chenerada por un contacto con una sustancia cheneralment estranya a l'organismo. Se diz antichén a una sustancia que produce una respuesta immunitaria, pero en o caso d'as alerchias se diz alerchén. L'alerchén ye bien tolerau por a mes gran part d'a población, manimenos as personas alerchicas desembolican una reacción inadaptada, excesiva y patolochica, l'alerchia, que ye una forma d'hipersensibilidat.

A branca d'a medicina que estudia as alerchias ye l'alergolochía, y os especialistas son os alergologos.

Una sustancia inofensiva pa ciertos individuos puet provocar una reacción alerchica a personas ditas "sensibilizadas".

Os tractamientos que consisten en fer tolerant l'organismo a la sustancia son ditos de "desensibilización".

As reaccions alerchicas mes comuns son eccema, urticaria, rinitis alerchica, ataques d'asma, alerchias alimentarias y reaccions a los verenos dimpués d'una fizadura d'insecto como as viespas u as abellas.