Arco (arquitectura)

Iste articlo ye sobre l'elemento arquitectonico. Ta atros emplegos se veiga arco.

Un arco (d'o latín arcus)^[1] ye un elemento constructivo arquitectonico linial de forma curvada, que permite cubrir o espacio vuedo que se troba entre dos pilars u muros d'un edificio. Se composa de piezas dita candals, y puet adoptar formas curvas muit diferents.

También se diz li asinas a las estructuras construyidas actualment con forma arqueyada, encara que sían d'una sola pieza, y que, en os suyos refirmes, funcionan d'a mesma traza que os construyius con candals.

Una vuelta se chenera por a suma d'arcos iguals, situaus ta obtener un elemento constructivo "superficial"; si os arcos son de meyo punto a superficie será semicelindrica.

Una cupula se fa por meyo d'a unión d'arcos iguals que se refirman en una circumferencia; si os arcos son de meyo punto a superficie será semiesferica.

En un puent con uns cuantos arcos o espacio baixo un arco por on pasa l'augua se diz "uello".

En toponimia un "arco" se refiere a sobén a antigos gallipuents.^[2]

1. ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
2. ↑ (es) Agustín Ventura Conejero: Toponimia de la provincia de Teruel, en a 'Revista Teruel, 48, 1972. p.233.