Cyanobacteria

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Cyanobacteria
Filamento d'Anabaena spiroides en microscopía optica.
Clasificación scientifica
Dominio: Eubacteria Filo: Cyanobacteria
Órdens
A clasificación se troba en revisión en estes anyos

Cyanobacteria, tamién ditas bacterias azuls, algas azuls u algas cianofitas (lo termin "alga", anque d'emplego frecuent, no les sería apropiato, por tanto as algas autenticas son eucariotas) son un filo de bacterias que obtienen a suya enerchía a partir de procesos eufotosinteticos. Lo nombre les vién d'a color que prenen as suyas celulas u colonias en muitos causos (en griego κυανός -kianós- ye «azul»), anque ixo no se i cumple siempre. Muitas d'as suyas especies son enormement importants en ecolochía de gran diversidat d'ambients per a suya capacidat d'afixar lo nitrocheno. A mas, son a component mas important en a biomasa productora d'ambients acuaticos, tanto d'auguas dulzas como marinas, pero i son tamién presents en os ambients terrestres, como o chenero Nostoc.

S'han trobato estromatolitos de cianobacterias productoras d'oxicheno fosilizatas d'en abe arredol de 2800 millons d'anyos, y la mas gran parte d'as teorías modernas sobre la evolución biolochica en a tierra les atorgan lo papel d'haber estato las introductoras de l'oxicheno (enantes, un gas muit residual) en a atmosfera d'o planeta. A trascendencia d'o suyo metabolismo con habilidat ta fer fotosintesi oxichenica ye cabal, pos haberban asinas cambiato l'atmosfera d'o planeta Tierra de prefundament reductora a prencipalment oxidadora, feito que haberba cambiato dramaticament as perspectivas evolutivas en o planeta, mudando los graus de predominancia d'os diferents grupos d'organismos, y permetendo-ie la ulterior explosión d'a biodibersidat.

A Teoría d'a Endosimbiosi les atorga, a mas, lo papel d'estar as precursoras d'os cloroplastos en plantas y algas eucariotas per un complexo proceso d'asimilación simbiontica, que mos haberba dato los antipasaus d'ixes organismos modernos.