Intelichencia artificial

A intelichencia artificial (IA) ye una parti d'a informatica, adedicata a lo desembolique d'algoritmos que permiten a una maquina (a ormino un ordinador) prener decisions intelichents u, por o menos, comportar-se como si tenese una intelichencia pareixita a la humana.

Determinar si un ordinador realment se comporta de manera intelichent ye complexo. Bi ha muitas definicions de qué ye exactament a intelichencia artificial. A mes estedillata ye la de John McCarthy (1995), que diz que "ye fer que una maquina se comporte d'una forma que sería considerata intelichent en un humán."

Se considera o pai d'a intelichencia artificial a lo britanico Alan Turing que, mientres a Segunda Guerra Mundial y baixo lo mando d'o servicio d'intelichencia britanico, prencipió a creyar os fundamentos d'o que hue conoixemos como intelichencia artificial.