Knights of the Round Table

Knights of the Round Table
Títol	Knights of the Round Table
Póster d'a cinta.
Ficha tecnica
Dirección	Richard Thorpe
Aduyant de dirección	Jack Martin
Dirección artistica	Alfred Junge Hans Peters
Producción	Pandro S. Berman
Guión adaptau	Talbot Jennings Jan Lustig Noel Langley
Basau en	Le Morte d'Arthur, novela de Thomas Malory (1485)
Musica	Miklós Rózsa
Fotografía	Freddie Young Stephen Dade
Montache	Frank Clarke
Vestuario	Roger K. Furse
Maquillache	Charles E. Parker
Peluquería	Joan Johnstone
Casting	Irene Howard
Actors	Robert Taylor Ava Gardner Mel Ferrer Anne Crawford Stanley Baker Felix Aylmer Maureen Swanson Gabriel Woolf Anthony Forwood Robert Urquhart Niall MacGinnis
Color	Technicolor Cinemascope
Narrador	Valentine Dyall
Datos y cifras
País(es)	Reino Uniu
Anyo	1953
Debantadera	22 d'aviento de 1953 Los Angeles (California, Estaus Unius)[1] 12 de mayo de 1954 Londres (Reino Uniu)[1]
Chenero(s)	Cine d'aventuras
Durada	115 min.
Idioma(s)	Anglés Latín
Companyías
Productora(s)	Metro Goldwyn-Mayer
Distribución	Metro Goldwyn-Mayer
Estudio(s)	MGM British Studios Pinewood Studios
Presupuesto	2,6 millons de dólars
Recauto	8,1 millons de dólars
Informacions en bases de datos especializadas:

Knights of the Round Table (títol orichinal en anglés, en aragonés Os caballeros d'a Mesa Redonda, enguerada en Aragón con o títol en castellano de Los caballeros del rey Arturo, en aragonés Os caballeros d'o rei Arturo) ye una cinta de cine britanico de cine d'aventuras enguerada l'anyo 1953, dirichida por Richard Thorpe seguntes un guión adaptau por Talbot Jennings, Jan Lustig y Noel Langley (basau en Le Morte d'Arthur, novela de Thomas Malory sobre o rei Arturo publicada en 1485), con una dirección de forografía de Freddie Young y Stephen Dade, una banda sonora orichinal de Miklós Rózsa y una producción cinematografica de Pandro S. Berman ta la filial britanica d'a productora cinematografica Metro Goldwyn-Mayer. Conta con un elenco d'actors d'o cual en fan parte, en os suyos papels principals, Robert Taylor, Ava Gardner, Mel Ferrer, Anne Crawford, Stanley Baker, Felix Aylmer, Maureen Swanson, Gabriel Woolf, Anthony Forwood, Robert Urquhart y Niall MacGinnis.

A cinta, que fa parte d'una mena de trolochía con os mesmo director, productor y protagonista ambientadas en a Edat Meya, con Ivanhoe (1952) y The Adventures of Quentin Durward (1955), conta cómo en una isla de Gran Bretanya que se troba en bel meyo d'una guerra entre Arthur Pendragon y la suya chirmanastra Morgan LeFay se reúnen a sucherencia de Merlín, qui los leva a la presencia d'a mitica espada Excalibur, una espada que se troba enquistada y d'a cual se diz que qui la libere será lo rei d'Anglaterra. Modred, l'amant de Morgan, preba de fer-lo y no puet, pero sí que lo fa y con gran facilidat Arthur . D'atra man, Lancelot ye un caballero francés que marcha de camín ta trobar a Arthur y en a suya ruta troba a Percival y a su chirmana Elaine, qui s'enamora immediatament de Lancelot. Cuan Lancelot troba a Arthur se bate con él, sin que garra d'éls sepa qui ye l'atro, y quedan empaz. Finalment, en esclatar a guerra entre Arthur y Modred, gana o primero y instaura una epoca de paz guaranciada por un grupo selecto de caballeros (os Caballeros d'a Mesa Redonda). Arthur ninvía a Lancelot a escoltar a la suya prometida, Chinebra, ta que vienga a casar-se con él, y cuan Lancelot la salva d'un secuestro, toz dos s'enamoran, y mesmo Modred que Morgan para cuenta d'ixo y veyen una oportunidat. Merlín advierte a Lancelot d'o periglo y iste opta por casar-se con Elaine ta distanciar-se de Chinebra, pero cuan Elaine muere en o parto, torna a amanar-se a la reina, dica qye finalment Modred los troba chuntos en as habitacions de Lancelot. Optan por fuyir, pero son cuzgaus en ausencia por Arthur y los suyos caballeros, que los condenan a muerte, encara que finalment se lis conmuta la pena por destierro para él y internamiento perpetuo en un monesterio ta ella. Dabant d'a situación, Modred y Morgan fan esclatar una nueva guerra civil.

A cinta s'ambienta en Anglaterra en bel momento indeterminau d'a Edat Meya y las suyas escenas se filmoron en o castiello de Dintagell en Dintagell (Cornualla), en Devon en Anglaterra, y en o castiello de Luttrellstown en o condau de Dublín en Irlanda, amás d'en os MGM British Studios en Borehamwood en Hertfordshire y en os Pinewood Studios en Buckinghamshire.^[2]

Se tracta d'una cinta que ha recubiu bellas nominacions a bels premios, en destacando dos nominacions a los Premios Oscar en a suya 26^ena edición, a lo Millor Disenyo de Producción y a lo Millor Soniu.

1. ↑ ^{1,0 1,1} (en) Enguero de Knights of the Round Table en Internet Movie Database.
2. ↑ (en) Localizacions de Knights of the Round Table en Internet Movie Database.