Leit

A leit^{[1][nota 1]} (pron. /lei/~/ʎei/, d'o latín < LACTE(M)) ye a secreción d'as glandulas mamarias d'as fembras d'os mamifers. Tien una color que va dende o blanco dica l'amarillenco, seguntes a especie animal de que en provienga.

Ye especialment adaptata a las necesidaz alimentarias d'os natons, y a sobén en ye o solo suyo alimento. Seguntes a especie a lactancia materna puet durar dende semanas dica anyos.

Os sers humans son os solos mamifers que bebemos a leit d'atras especies (uella, vaca, craba, etc), fueras de bels animals domesticos (can, mixín) que'n han ito adquirindo os mesmos habitos.

Os humans tamién son os solos animals que en consumen en a edat adulta. Iste feito ye una adaptación chenetica relativament moderna prevocata por o descubrimiento d'a ganadería u domesticación d'atras especies animals, y bi ha diversos grupos humans (y personas individuals) que encara no han feito ista adaptación y tienen intolerancia a la lactosa, uno d'os components d'a leit.

A leit ye una materia prima con que se pueden fer muitos d'atros productos alimentarios, como manteca, queso, yogurt, nata, cuallata, etc.

A leit tien a propiedat de trigar-se,^[2] esto esdevién cuan os microorganismos que se crían en a leit degradan a lactosa producindo acido lactico, o que fa baixar o pH dica un punto en o que as caseínas precipitan.

1. ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
2. ↑ Fernando Blas Gabarda, Fernando Romanos Hernando: Diccionario Aragonés: chistabín-castellano. (Bal de Chistau). Gara d'Edizions, 2008

Error en a cita: Existen etiquetas <ref> ta un grupo clamau "nota", pero no se trobó garra etiqueta <references group="nota"/>