Metodo cientifico

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O metodo cientifico ye o estudio sistematico, controlato, empirico y critico de proposicions hipoteticas sobre presuntas relacions entre diferents fenomenos naturals y ye o mecanismo emplegato en as ciencias experimentals ta convalidar u invalidar una teoría, por meyo d'a experimentación u d'a observación.

Son dos os pilars basicos d'o metodo cientifico. O primero d'ellos ye a reproducibilidat, ye dicir, a capacidat de repetir un determinato experimento en cualsiquier puesto y por cualsiquier persona. Ista pila emplega ta la suya practica, esencialment, a comunicación y a publicidat d'os resultatos obtenitos.

O segundo pilar ye a falsabilidat. Ye dicir, que toda proposición cientifica ha de tener a posibilidat de ser falsata. Isto implica que se pueden disenyar experimentos que en o caso de dar resultatos diferents a los previstos negareban a hipotesi que s'ha posato a prueba.

En l'actualidat os resultatos d'a investigación cientifica son publicatos en revistas cientificas especializatas dimpués de criticas u comentarios d'atros espertos, correccions por parti d'os autors y encara verificación d'os experimentos por atros equipos d'investigación. A lo mesmo tiempo, ye encomenzando a estar usual que se publiquen en o rete (Internet) a lo tiempo que en as revistas cientificas.

O metodo cientifico s'adapta de trazas diferents seguntes a ciencia. En cheolochía historica no pueden fer experimentos porque o proceso ye mes largo que a vida d'o investigador, l'obchecto puet estar mes gran que cualsiquier laboratorio, y os procesos pasatos irrepetibles en as mesmas condicions. En cuenta de fer-se-ie experimentos se fa experiencia en os prencipios basicos, que permiten comparanzas con feitos actuals y experimentables.