Microscopio

O microscopio (d'o griego antigo μικρός mikrós "chicot", y σκοπέω skopéō "visurar") ye un traste que permite augmentar extraordinariament a imachen de l'amuestra pa alufrar, fendo visible lo que no se veye a simpla vista.

O tipo mas común de microscopio y lo primer que s'inventó ye lo microscopio optico.^[1] Se tracta d'un traste optico que contiene una u cuantas lents (de normal dos sistemas de lents -l'ocular y l'obchectivo-) que permiten obtener una imachen augmentada de l'obchecto y que funciona per refracción. Pa superar as limitacions d'o microscopio optico convencional, s'han ideyau numbrosas tecnicas de microscopía adicionals, como a microscopía de fluorescencia, a microscopía de contraste de fase u a microscopía confocal, entre atras.

O microscopio optico fa servir luz fotonica, pero tamién se pueden emplegar electrons u rayos X, per lo que existen microscopios de rayos X^[2] y microscopios electronicos (de rastreyo u de transmisión), que tienen mayor resolución que lo microscopio optico, pero que elaboran a imachen de forma indirecta.

A ciencia que investiga los obchectos chicoz fendo servir iste traste se diz microscopía.

1. ↑ (en) Wollman, AJM; Nudd, R: Hedlund, EG; Leake, MC «From Animaculum to single molecules: 300 years of the light microscope». Open Biol, 2015 Abr; 5 (4), pp: 150019. PMID 25924631.
2. ↑ (en) Gelever, VD; Usachev, EY; Manushkin, AA «Current status and prospects of X-ray microscopy». J Phys Conf Ser, 2017; 808, pp: 012010. ISSN 1742-6596