Oceano Indico

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Oceano Indico
Oceano u mar d'a IHO (n.º id.: 45)
Mapa de l'oceano Indico.
Localización administrativa
Estau	Madagascar Comoras Seychelles Maldivas Mauricio Sri Lanka Indonesia Sudafrica Mozambique Tanzania KenKenyaia Somalia Chibuti Sudán Echipto Israel Arabia Saudita Yemen Emiratos Arabes Unitos Bahrein Qatar Kuwait Iraq Irán Pakistán India Birmania Australia.
Cheografía
Oceano	Oceano Indico
Continents	Africa, Asia y Oceanía
Isla(s)	Madagascar, Comoras, Seychelles, Maldivas
Mars mugants	Oceano Atlantico, oceano Pacifico
Ríos que i cayen	Río Zambeze Río Indo Río Gangas Río Brahmaputra Río Irrawady
Accidents
• Golfos y badías	Mar Roya, mar d'Andamán, mar Arabica, Gran Bahía Australiana, golfo Persico, golfo de Bengala, golfo d'Adén, golfo d'Omán, canal de Mozambique
Superficie	73.556.000 km²
Amplaria maxima	10.000 km
Largaria costa	66.600 km
Fondura meyana	4.200 m
Fondura max.	7.125 m (Fuesa de Java, Indonesia)
Volumen	292.131.000 km³
Mapa
Localización de l'Oceano Indico.

L'Oceano Indico ye uno d'os cinco oceanos, estando-ne o tercer volumen d'augua mas gran d'o mundo, y cubre alto u baixo lo 20% d'a superficie d'a Tierra. Muga a lo norte con o sud d'Asia; a l'ueste con a peninsula arabica y Africa; a l'este con a peninsula malaya, as islas Sonda, y Australia; y a lo sud con l'Antarctida.^[1]

Ye desalpartato de l'oceano Atlantico por o meridiano 20 graus este, a lo sud d'Africa, y de l'oceano Pacifico por o meridiano 147 graus este. O punto mas a lo norte de l'oceano Indico ye alto u baixo a 30 graus norte de latitut d'o golfo Persico. L'oceano tien alto u baixo 10.000 km d'amplaria entre as puntas sud d'Africa y Australia; a suya superficie ye 73.556.000 km², incluyindo-ie a mar Roya y o golfo Persico. O volumen de l'oceano s'estima en 292.131.000 km³ d'augua. Chicotas islas puntian os cantos continentals.

As nacions que se troban de raso en l'oceano son Madagascar, a cuatrena isla mas gran d'o mundo; Comoras; Seychelles; Maldivas; Mauricio; y Sri Lanka. Indonesia lo rodia, y cuantas atras nacions en mugan: Sudafrica, Mozambique, Tanzania, Kenya, Somalia, Chibuti, Sudán, Echipto, Israel (con Eilat en o golfo d'Aqaba), Arabia Saudita, Yemen, Emiratos Arabes Unitos, Bahrein, Qatar, Kuwait, Iraq, Irán, Pakistán, India, Birmania y Australia. A importancia de l'oceano como una rota de transito entre Asia y Africa lo ha convertido en un foco de conflictos. En cualsiquier caso, denguna nación lo ha xalapato con exito dica prencipios d'o sieglo XIX cuan l'Imperio Britanico controlaba a mayor parte d'a tierra perimetral de l'oceano Indico.

1. ↑ (en) Jean-Claude Corbell, Ariane Archambault: The Visual Dictionary of Universe & Earth, QA International, 2009, ISBN 978-2-7644-0884-1, p.60