Tercer Reich

Tercer Reich Deutsches Drittes Reich
← ← ← ← 1933 — 1945 → → →
Lema nacional: Ein Volk, ein Reich, ein Führer (alemán: «Un pueblo, un imperio, un chefe»)
Himno nacional: Das Lied der Deutschen y Horst-Wessel-Lied
Mapa d'o Tercer Reich en a suya maxima extensión.
Capital	Berlín
Idioma oficial	Alemán
Gubierno	Nacionalsocialismo (dictadura)
Reichspräsident/Führer  • 1933-1934  • 1934-1945  • 1945	Paul von Hindenburg Adolf Hitler Karl Dönitz
Reichskanzler  • 1933-1945  • 1945  • 1945	Adolf Hitler Joseph Goebbels Lutz Schwerin von Krosigk
Periodo historico	Anyos 1930-Anyos 1940
• Nombramiento de Hitler como canceller	30 de chinero de 1933
• Gleichschaltung	27 de febrero de 1933
• Lei de plenos poders	31 de marzo de 1933
• Anschluss	10 d'abril de 1938
• Capitulación	8 de mayo de 1945
• Segunda Guerra Mundial	5 de chulio de 1945
Superficie  • 1939	633 786 km²
Población • 1939 est.      Densidat	69314000 hab. 109,4 hab/km²
Moneda	Reichsmark
Miembro de: Potencias de l'Eixe, Pacto Tripartito

Se conoix con o nombre de Tercer Reich u Alemanya Nazi (Deutsches Reich u Großdeutsches Reich en alemán) a o rechimen dictatorial nacionalsocialista establito en Alemanya dende 1933-1934 por o Nationalsozialistische Deutsche Arbeiterpartei d'Adolf Hitler dica a muerte de Hitler y a redota d'Alemanya en a Segunda Guerra Mundial o 8 de mayo de 1945, encara que no fue disuelto oficialment dica o 5 de chulio de 1945. Seguntes a propaganda nazi, iste rechimen teneba que durar 1.000 anyadas (o Reich d'as 1.000 anyadas, deciban), y nomás en duró 12.

Cal parar cuenta, sindembargo, que o rechimen nazi nunca no suprimió formalment l'antiga Republica de Weimar, sino que nomás suprimió as suyas caracteristicas e institucions democraticas. Paralelament, nunca no s'establió formalment o Tercer Reich, sino nomás de facto.

Como caracteristicas chenerals, estió un rechimen dictatorial y totalitario, que devantó un estato policial sin garra guarencia ta os suyos ciudadans ni ta os foranos que viviban en Alemanya u que mientres a Segunda Guerra Mundial viviban en territorios anexionatos u ocupatos militarment por a Wehrmacht. Asinas, bi habió un chenocidio contra os chodigos (shoah), contra o pueblo chitán (porajmos) y contra atros pueblos que o nazismo consideraba inferiors, como eslaus, sin olbidar muitos muertos en atras nacions, incluyindo-ie aragoneses. Amás, chents consideratas improductivas por o nazismo fueron asasinatos en masa: disminuitos fisicos y psiquicos, personas con chicoz defectos cheneticos, etc.