Tozuelo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O tozuelo^[1][2] cabeza u capeza ^[3] d'un animal ye a parti anterior d'o cuerpo que contien a boca, o cerebro y diversos organos sensorials (por un regular organos de visión, oída, olfacto y gusto).

Os animals mas simples, como los que presentan simetría radial (esponchas, cnidarios y ctenoforos) no poseyen tozuelo, pero sí que en tienen a mayoria d'as formas con simetría bilateral; istos animals poseyen un eixe antero-posterior de traza que en a parti anterior d'o cuerpo s'acumulan o cerebro y os organos sensorials, o que los fa capables de reaccionar con rapideza.^[4] O grau de cefalización ye variable en os diferents fílums bilaterals; muitos poseyen un tozuelo incipient (platihelmintos, anelidos, nematodes, moluscos, etc.). O maximo grau de cefalización se da en artropodos (mas que mas insectos) y vertebratos; en istos animals, o tozuelo ye netament esferenciato d'a resta d'o cuerpo y provisto d'organos sensorials muit eficients. Adintro d'os bilaterals, bi ha tamién grupos sin de tozuelo (bivalvos, briozoos, equinodermos, etc.)

1. ↑ (an) Silbia Garcés Lardiés, Francho Rodés Orquín:Un borguil de parolas.Bocabulario dialeutal escolar, Gubierno d'Aragón, 2006, ISBN 84-689-7358-0, p.49
2. ↑ (es) Ana Leiva Vicén:Léxico aragonés de Antillón (Huesca). Análisis lingüístico (II). Alazet: Revista de Filología Nº 16, 2004, pp. 67-174, ISSN 0214-7602
3. ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
4. ↑ (es)Natividad Ferrer Marí, Miguel Gracia Vicente, Manuel Medina Martínez Bachillerato. Biología y Geología Bruño, 2008, p 318.