Trampa

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una trampa ye un dispositivo que se fa pa cazar, fer mal, detectar, matar, zarrar u fer fuera a un intruso, ya sía un animal u persona. Por lo regular as trampas son obchectos fisicos, como un cepo u una loseta, pero en sentiu figurau tamién s'emplega la parabla pa decir un enganyo que se le posa a l'atro en o chuego u en o esporte, pa sacar vantalla.

L'acto de construir una trampa u disposar-la sobre o terreno pa que la presa i caiga, en aragonés, se diz «parar» una trampa; «parar» un cepo, «parar» o lazo, etc.^[1][2]

En o sentiu fisico, i hai a-saber-los tipos de trampas que s'emplega pa cazar animals. Astí va uns cuantos eixemplos:

• Trampas de vesque pa cazar paixaros.
• Trampas de trucho que s'afunde cuan se las pisa.
• Lazo.
• Cepo.
• Chuelo.
• Loseta.
• Vulturín, trampa pa pescar.

1. ↑ CASTILLO SEAS, Fabián. Bocabulario de l'aragonés d'Alquezra y lugars d'a Redolada. Consello d'a Fabla aragonesa, 2001. ISBN 84-86036-94-1
2. ↑ MASCARAY SIN, Bienvenido, Vocabulario del habla de Campo (Ribagorza, Huesca); Prensas Universitarias de Zaragoza + Xordica Editorial, 2013. ISBN 978-84-96457-87-4