Biriten (eyi ekigwen usini mgbọ ibe îre Biriten Ile) ìre achọ ge òkup me Emen-awaji Atilantik agan̄ inyọn̄, ida ibọkọ me atasuk agan̄ inyọn̄ mbum-ura me lek ijọn̄ Yurop. Ido echi ògbagbaan̄ irọ Biriten ìre Ingilan Skọtilan mè Wales. Okike ijọn̄ îbenbe ìre 209,331 km². Ọmọ omin ichit me etete Achọ echi Biriten, mè imin ichit si me etete achọ òkup me Yurop mè ire òso achọ onaan̄ge òmimin ichit me linyọn̄.Kilaimet kan̄ ìre eyi emen-awaji. Esese òkup me oke uyok me etete ibot-mgbọ ìkakimin.

Achọ Ailan, òrere irek 40 me efit me lek Biriten Ile, ìkup me agan̄ ichep-ura. Îre achọ chi mè ofifi asabọn achọ mè ewuuk 1000, ke egbaan̄ igwen Ọgbọn̄ achọ echi Biriten.

Ekifuk mfufuk ibe ke me acha 9,000 òraraka, ke îkaan̄ ogogo ijọn̄ ge ekigwen Dọgalan ògọgọbọ achọ ya mèlek lek ijọn̄. Ebilene mîluk me lek ijọn̄ me inu môsobe acha 30,000. Me acha 2011, otu-ifuk ebi ìluk me lek ijọn̄ yi ìre efie 61. Eya onenirọ ọmọ ire òso achọ ita ene ewabe ichit me linyọn̄, me isifuk Họnnshu me Japan mè Java me Indonesia isan̄a, mè ire achọ ene ewabe me emen ichit mè ire efuk Esia isan̄a.

Ikọ ya "Biriten Ile" môkọt ikeke si inyi agan̄ ifit-mkpulu eyi Ingilan, Skọtilan mè Wales mè asabọn achọ kiban̄.

Agan̄ yi nè Ailan agan̄ Inyọn̄ egbaan̄ irọ United Kingdom.