Aereollinia de baxu costu

Una aereollinia de baxu costu, aereollinia de baxu preciu o aereollinia low-cost ye una aereollinia qu'ufierta una tarifa más económica en cuenta de desaniciar munchos de los servicios que reciben los pasaxeros d'aereollinies tradicionales, o que cobren estos servicios de mou adicional. El conceutu surdió nos Estaos Xuníos enantes d'estendese per Europa a principios de la década de 1990 y d'ende al restu del mundu ante l'aumentu na demanda de tresporte aereu. En principiu'l términu yera emplegáu dientro de la industria de l'aviación pa referise a compañíes con costos d'operación baxos o menores que los de la competencia. Al traviés de los medios de comunicación, el so significáu varió, y agora define a cualquier aereollinia de precios baxos y servicios llindaos, frente a los de les aereollinies tradicionales.