Apocrita

Apocrita
Clasificación científica
Reinu:	Animalia
Filu:	Arthropoda
Clas:	Insecta
Subclas:	Pterygota
Infraclas:	Neoptera
Superorde:	Endopterygota
Orde:	Hymenoptera
Suborde:	Apocrita
Superfamilies
Aculeata Superfamilia Apoidea Superfamilia Chrysidoidea Superfamilia Vespoidea Parasitica Superfamilia Ceraphronoidea Superfamilia Chalcidoidea Superfamilia Cynipoidea Superfamilia Evanioidea Superfamilia Ichneumonoidea Superfamilia Megalyroidea Superfamilia Mymarommatoidea Superfamilia Platygastroidea Superfamilia Proctotrupoidea Superfamilia Stephanoidea Superfamilia Trigonaloidea Munches families, ver artículu
Consultes
[editar datos en Wikidata]

Los apócritos (Apocrita) son un suborde d'himenópteros, qu'inclúi aviespes, abeyes y formigues. Son les formes más avanzaes de los himenópteros, carauterizaos pola presencia d'una estrecha cintura que dixebra los dos primeros segmentos del abdome, el primeru de los cualos ta fundíu al tórax. El ovipositor de la fema ye retráctil, y en delles especies convirtióse nun aguiyón emplegáu como mecanismu de defensa. Los bárabos escarecen de pates, y críense nun nial o como parásitos d'un güéspede.

Los apócritos estrémense tradicionalmente en dos grupos ensin rangu taxonómicu, los Parasitica y los Aculeata.

• Ente los Parasitica cúntense la mayoría de los himenópteros, compuestu por especies parásites d'otros inseutos. Realicen la puesta dientro o enriba d'otru inseutu (sía un güevu, un bárabu o una crisálida) y los bárabos parásitos crecen hasta llegar al momentu de la metamorfosis. Dalgunes metamorfoséense dientro del hospedador y remanecen como adultos, mientres los bárabos d'otres especies completen la metamorfosis fora del hospedante. La mayoría son pequeños, col ovipositor afechu para la perforación y postura del güevu dientro del güéspede; en dalgunos d'éstos los bárabos parásitos inducen una metamorfosis prematura del güéspede, ente que n'otres prollónguenla. El güéspede muerre cuando los parásitos s'averen a la madurez. Hai especies que son parásites d'otros parásitos (hiperparasitismo). Munchos himenópteros parásitos utilícense como axentes de control biolóxicu pa controlar inseutos consideraos pestes como mosques y gorgoyos. L'himenópteru adultu sigue cola so forma de vida llibre.

• El grupu Aculeata inclúi les especies nes cuales l'ovipositor de la fema tresfórmase nun aguiyón; inclúin les formigues, les abeyes y les aviespes. Los bárabos aliméntense cola presa (paralizada) prindada o pueden ser alimentaes con polen y néctar. Ente éstos cunten les abeyes que son los polinizadores más eficientes.