Bitola

Bitola
Alministración
País	Macedonia del Norte
Municipio (es)	Municipalidad de Bitola (es)
Tipu d'entidá	ciudá
Nome oficial	Битола (mk)
Nome llocal	Битола (mk)
Códigu postal	7000
Xeografía
Coordenaes	41°01′55″N 21°20′05″E / 41.0319°N 21.3347°E / 41.0319; 21.3347
Bitola Bitola (República de Macedonia)
Superficie	422.39 km²
Altitú	576 m
Demografía
Población	69 287 hab. (2021) - 33 734 homes (2021) - 35 553 muyeres (2021)
Porcentaxe	100% de Municipalidad de Bitola (es)
Densidá	164,04 hab/km²
Más información
Prefixu telefónicu	043 y 047
Estaya horaria	Hora central europea (horariu estándar) CEST (CEST)
Llocalidaes hermaniaes	Zemun, Bursa, Edessa, Trelleborgs, Brăila (es) , Épinal, Kremenchuk, Rockdale (en) , Rijeka, Ferrara, Pleven, Herceg Novi, Veliko Tarnovo y Veliko Tarnovo (en)
bitola.gov.mk

Bitola (macedoniu: Битола) ye una ciudá de Macedonia del Norte, allugada na fastera suroccidental del país. Ye la segunda mayor ciudá del país, tres de la capital Skopie,^[1] y la capital del conceyu homónimu. La so población ye de 69 287 habitantes (2021)^[2], con un total de 105.644 habitantes na so área metropolitana. Asítiase na fastera meridional del valle de Pelagonia, arrodiada por dos cordeleres montañoses, el macizu de Baba y los montes Voras, unos 14 km al norte del puestu fronterizu de Medžitlija-Níki, ún de los trés que xunen Grecia y Macedonia del Norte. Bitola asítiase nún cruce de carreteres que conecta Albania col mar Exéu y la Europa central, y ye'l centru alministrativu, cultural, industrial, comercial y educativu de la so rexón, Pelagonia.

La ciudá, una de les más antigües del país, foi conocida demientres foi controlada pol Imperiu otomanu como Manastır o Monastir. Nesa dómina tenía'l nomatu de Ciudá de los Cónsules, una y bones munchos países europeos teníen consulaos na ciudá. Esta foi fundada, col nome de Heraclea Lyncestis, por Filipu II de Macedonia a mediaos del sieglu IV e.C. Foi dempués la cabera capital del Primer Imperiu Búlgaru (1015–1018)^[3] y la cabera capital (1836-1867) del Eyalatu de Rumelia, una de les provincies del Imperiu otomanu.

1. ↑ «Macedonian census, language and religion».
2. ↑ censu de población
3. ↑ Zaimov J., Lysaght T. A., The Bitolya Inscription of the Bulgarian Autocrat Ivan Vladislav (1015—18). New Zealand Slavonic Journal No. 6, Summer 1970, 1-15. 418.