Distritu financieru (downtown)

Distritu financieru
distrito financiero (es) , barriu y Centro de la ciudad (es)

Downtown (parte baxa de la ciudá) ye un término creáu polos falantes de llingua inglesa de los Estaos Xuníos pa nomar al centru d'una ciudá y, más específicamente, al so distritu financieru. La pallabra pasó a otres llingües pa denomar, en sentíu xeneral, al área central de les ciudaes, na que se concentren comercios y oficines y na que son abondantes los edificios altos y rascacielos. Sicasí, nes ciudaes europeas l'altor de los edificios ye menor, porque esta zona coincide, por regla xeneral, col cascu antiguu de les ciudaes y dalgunes zones de los ensanches del sieglu XIX. Les cais del downtown son les más frecuentaes pela xente pa trabayar o mercar y nella los precios de les viviendes y llocales comerciales son altos, magar qu'en munchos casos la población residente ellí ye escasa.

Créese que la pallabra nació en Nueva York, ú yera usada na década de 1830 pa referise a la zona más antigua de la ciudá, na parte más meridional de la islla de Manhattan. Dende ellí la única forma de medrar de la ciudá yera hacia el norte, y per aciu de la forma convencional d'orientar los mapes (en sentíu norte-sur), acabó nomándose uptown a lo que taba al norte de la ciudá antigua y downtown a la zona primitiva d'asentamientu de pobladores en Nueva York. N'aquella dómina l'actividá comercial y financiera concentrábase na parte baxa de la islla, y el términu quedó afitao con esi significáu nel llinguaxe de los norteamericanos.

A finales del sieglu XIX l'usu de la pallabra espardióse y foi adoptáu por otres ciudaes d'Estaos Xuníos y Canadá pa denomar el centru históricu de la ciudá, que la mayoría de les veces coincidía cola zona más comercial de la ciudá. Y magar que los diccionarios nun recoyíen tovía el términu na década de 1880 al entamu del sieglu XX el términu yera perusáu, nel inglés de los Estaos Xuníos, pa facer referencia al distritu de negocios del antiguu centru de les ciudaes. En munches d'elles, asina, el términu ye'l nome oficial que recibe'l barriu nel que se concentren les actividaes financieres, empresariales y comerciales.