Efeutu ivernaderu

Denómase efeutu ivernaderu al fenómenu pol cual determinaos gases, que son componentes de l'atmósfera planetaria, retienen parte de la enerxía que'l suelu emite por haber sío calecíu pola radiación solar. Afecta a tolos cuerpos planetarios dotaos d'atmósfera. Acordies cola mayoría de la comunidá científica, l'efeutu ivernaderu ta viéndose acentuáu na Tierra pola emisión de ciertos gases, como'l dióxidu de carbonu y el metanu, por cuenta de la actividá humana.

Esti fenómenu evita que la enerxía solar recibida constantemente pola Tierra vuelva darréu al espaciu, produciendo a escala mundial un efeutu similar al reparáu nun ivernaderu.