Lletres Lliterariu

Lletres Lliterariu
Datos
Tipu	revista
Idioma	asturianu
Estáu	España
Editorial	Academia de la Llingua Asturiana

Lletres Lliterariu yera la revista qu'asoleyaba l'Academia de la Llingua Asturiana con motivu del Día de les Lletres Asturianes, dende l'añu 2009 hasta l'añu 2013, col so volume quintu y caberu, que tomara'l relevu del númberu lliterariu especial de la revista Lletres Asturianes que la institución publicaba con esi mesmu motivu.

Según se diz nel entamu del primer númberu:

Asina, asoleyamos nesti XXX Día de les Lletres Asturianes el primer volume de Lletres lliterariu, una revista con entidá propia que dirá espublizándose tolos años per estos díes de primavera. L'Academia de la Llingua Asturiana quier asina afitar con una publicación específica la xera lliteraria de los munchos collaboradores que, cuando llega esti día, ufierten la so contribución a les nuestres lletres.

Academia de la Llingua Asturiana^[1]

Dende l'añu 2014 ye la revista lliteraria Lliteratura la publicación propia pa celebrar el Día de les Lletres Asturianes.^[2]

1. ↑ Lletres Lliterariu. Entamu, páxina 6. Academia de la Llingua Asturiana. Uviéu, 2009
2. ↑ Lliteratura. Revista lliteraria asturiana; volume 30, na so editorial (páx. 5). Uviéu, 2014; ISSN 113-9542.