Llustru

Un llustru o quinqueniu ye un periodu de tiempu equivalente a 5 años.

Etimolóxicamente vien del llatín lustrum que quier dicir llimpiu, puru, y refierse a la ceremonia de la Llustración (purificación) que se celebraba cada 5 años y yera la más importante de la Roma primitiva. Nella celebrábense una serie de ritos y una xinta. Tolos pater familiae (los patricios) taben obligaos a dir y el que nun lo ficiere perdía los sos derechos ciudadanos hasta la próxima llustración. Un castigu perimportante, yá que se perdía fasta'l drechu a pleitear.