Mineraloide

Mineraloide
sustancia química

Un mineraloide ye una sustancia natural, inorgánica o líquida d'orixe xeolóxicu, con carauterístiques asemeyaes a les de los minerales, pero que nun representa un auténticu mineral pos los sos átomos nun tán ordenaos. Los mineraloides nun presenten una composición química abondo uniforme como pa consideralos un mineral en particular y dizse que son sustancies amorfes.^[1]

Los mineraloides presenten un importante interés económicu y xemolóxicu. Ente ellos puédense citar la obsidiana, l'ópalu, la limonita, el carbón, el lignitu, l'acebache o l'ámbare ente munchos otros. Les perlles son de cutiu consideraes como minerales por cuenta de la presencia de cristales de carbonatu cálcicu na so estructura; sicasí, la so composición química nun ye uniforme, de manera que ye más exauta la so definición como mineraloides.

Tamién se consideren mineraloides los líquidos inorgánicos que s'atopen na naturaleza, como son l'agua y el mercuriu nativu. ^[2]

1. ↑ [1] forodeminerales.com/ Mineraloides, Minerales ensin estructura cristalina.
2. ↑ [2] soundcloud.com/ - Esplicación verbalizada de la naturaleza de los mineraloides