Noruega

Noruega
estáu soberanu
Bandera de Noruega (es) escudu de Noruega
Himnu nacional	Ja, vi elsker dette landet
Alministración
Nome oficial	Kongeriket Norge (nb)
Capital	Oslu
Forma de gobiernu	Monarquía constitucional Democracia representativa
Rei de Noruega	Harald V de Noruega (dende 17 xineru 1991)
Primer ministru de Noruega	Jonas Gahr Støre (dende 14 ochobre 2021)
Llingües oficiales	Bokmål llingües sami Nynorsk noruegu
División	ver Akershus, Oslu, Østfold, Vestfold, Telemark, Buskerud, Rogaland, Møre og Romsdal, Nordland, Troms, Finnmark, Svalbard, Jan Mayen, Islla Bouvet, Trøndelag, Innlandet, Agder y Vestland
Rellaciones diplomátiques	ver Canadá Italia Australia Alemaña (1905) Israel Suecia Estaos Xuníos Serbia Ucraína (5 febreru 1992) Arabia Saudita Rusia Checoslovaquia Méxicu Sudán Reinu Xuníu Xunión Soviética Afganistán Croacia Xipre Dinamarca República Democrática d'El Congu Finlandia Francia Islandia Kosovu Mongolia Nueva Zelanda Malasia Nepal Rumanía Xunión Europea Paquistán Taiwán República Popular China Grecia Corea del Norte (22 xunu 1973) Colombia Hungría Xapón
Miembru de	ver Organización del Tratáu del Atlánticu Norte (4 abril 1949) Organización pa la Cooperación y el Desarrollu Económicos Conseyu d'Europa (5 mayu 1949) Espaciu Económicu Européu Axencia Espacial Europea (30 avientu 1986) Conseyu Nórdicu Organización Mundial del Comerciu (1 xineru 1995) Conseyu Árticu Grupo de combate Nórdico (es) Asociación Europea de Libre Comercio (es) (3 mayu 1960) Organización de les Naciones Xuníes (27 payares 1945) Conseyu d'Estaos del Mar Bálticu Organización pa la Seguridá y la Cooperación n'Europa (25 xunu 1973) Bancu Africanu de Desarrollu (1963)[1] Bancu Asiáticu de Desarrollu (1966)[2] Bancu de Pagos Internacionales (1930)[2] CGIAR (es) (1971)[2] Tribunal de la Asociación Europea de Libre Comercio (es) (1994)[2] Bancu Internacional de Reconstrucción y Fomentu (27 avientu 1945) Asociación Internacional de Fomentu (24 setiembre 1960) Corporación Financiera Internacional (20 xunetu 1956) Organismu Multillateral de Garantía d'Inversiones (9 agostu 1989) Centru Internacional d'Arreglu de Diferencies Relatives a Inversiones (15 setiembre 1967) Grupu d'Australia (1986) Xunión Europea de Pagos Eurocontrol (1994) Tratado de Cielos Abiertos (es) Réxime de Control de la Teunoloxía de Misiles (1990)[3] Interpol (1930)[4] Grupu d'abastecedores nucleares [5] Organización pa la Prohibición d'Armes Químiques (29 abril 1997)[6] Centro de Coordinación de Movimientos Europeos (es) [7] Strategic Airlift Capability (en) [8] Organización Hidrográfica Internacional [9] Axencia Internacional de la Enerxía [10] UNESCO (4 payares 1946)[11] Grupu d'Observaciones de la Tierra Convenio de Schengen (es) Xunión Postal Universal (1 xunetu 1875)[12] Xunión Internacional de Telecomunicaciones (1 xineru 1866)[13] espaciu Schengen (18 mayu 1999)[14] Visa Waiver Program (1991)[15] Organización Meteorolóxica Mundial (9 avientu 1948)[16] Organización Mundial de la Salú [17] Barents Euro-Arctic Council (en) Global Biodiversity Information Facility (2004)[18] Organización Mundial d'Aduanes (6 agostu 1951)[19] International Holocaust Remembrance Alliance (es) (2003)[20]
Xeografía
Coordenaes	65°N 11°E / 65°N 11°E / 65; 11
Superficie	385207 km²
% agua	6%
Costes	25.148 km
Llenda con	2.542 km
Puntu más altu	Galdhøpiggen (es)
Puntu más baxu	Mar de Noruega
Demografía
Población	5 550 203 hab. (31 avientu 2023)
Densidá	14,41 hab/km²
Xentiliciu	noruegu (masculín singular) noruega (femenín singular)
Esperanza de vida	82,50976 años
IDH	0,966 (2022)
Tasa de fertilidá	1,78 (2014)
Economía
Moneda	corona noruega (es)
PIB nominal	490 293 364 377 $ (2021)
Bancu central	Banco de Noruega (es)
Más información
Dominiu d'Internet	.no
Códigu telefónicu	+47
Códigu ISO	578 / NOR / NO
Estaya horaria	UTC+01:00, UTC+02:00, UTC±00:00, Hora central europea y Europe/Oslo (en)
norway.no, norge.no y noreg.no

Noruega, oficialmente Reinu de Noruega (en bokmål Kongeriket Norge, en nynorsk Kongeriket Noreg), ye un país d'Escandinavia, n'Europa del norte. Ye un estáu soberanu y unitariu de calter monárquicu, que'l territoriu de so abarca la fastera occidental de la península escandinava, la islla de Jan Mayen y l'archipiélagu árticu de Svalbard^[21]. Les islles antártiques de Pedru I y la subantártica de Bouvet son territorios dependientes de Noruega y, poro, nun se-yos considera parte del reinu. Noruega tamién reclama una fastera de L'Antártida nomada tierra de la reina Maud. Hasta 1814 el reinu incluyía tamién les islles Feroe (dende 1035), Groenlandia (dende 1261) ya Islandia (dende 1262).

Noruega tien una estensión de 385.252 km² y una población de 5 550 203 habitantes (31 avientu 2023)^[22][23]. No que cinca a les sos llendes, comparte con Suecia la so frontera oriental, con una llonxitú de 1.609 km, y llenda tamién con Rusia y Finlandia al noreste. Al sur llenda col estrechu de Skagerrak, que la separta de Dinamarca. La so fachada occidental y septentrional, costera, mira pal océanu Atlánticu Norte y pal mar de Barents.

El actual xefe del estáu (xineru 2015) ye'l rei Harald V. La primer ministra, dende 2021, ye Jonas Gahr Støre (Ap), que sustituyó nel cargu a Jens Stoltenberg. El país ye, dende 1814, una monarquía constitucional con separación de poderes ente la Corona y el so conseyu, el parllamentu (Storting) y el tribunal supremu del país. Ente 1661 y 1814 el país foi una monarquía absoluta, y anantes d'eso el rei compartía'l poder cola aristocracia. Nacíu de resultes de la batalla de Hafrsfjord (872), el reinu noruegu ye ún de los más vieyos del mundu; tien habío monarquía ininterrumpidamente demientres 1.100 años, y la so llista de reis y condes inclúi a más de sesenta persones.

El país sodivídese política y alministrativamente en dos niveles, los condaos (fylke) y los conceyos (kommune). La minoría Sami tien, amás, della autonomía de xestión nos sos territorios tradicionales, qu'exercen al traviés del parllamentu Sami. Noruega caltién perbones rellaciones colos miembros de la Xunión Europea, cola que tien alcuerdos d'asociación, magar que la so población refugó por dos vegaes en referendu entrar a formar parte d'ella, y tamién colos Estaos Xuníos. Ye miembru fundador de la Organización de les Naciones Xuníes, la OTAN, el Conseyu d'Europa, el Tratáu Antárticu y el Conseyu Nórdicu; miembru del Área Económica Europea, la Organización Mundial del Comerciu y la Organización pa la Cooperación y el Desarrollu Económicu (OCDE); y forma parte del área Schengen de llibre circulación de persones.

El país combina la economía de mercáu col nomáu modelu nórdicu d'Estáu del bienestar, con sanidá gratuita universal y un ampliu sistema de seguridá social. El país tien grandes reserves de petroleu, gas y minerales, y esporta tamién agua fresca, enerxía elléctrica, pescáu y madera. Una cuarta parte del so productu internu brutu vién-y del petroleu y el gas. Ye'l mayor productor d'estos hidrocarburos fuera d'Oriente Mediu, y esto permíte-y que la de so seya la cuarta mayor renta per cápita del mundu nos llistaos ellaboraos pol Bancu Mundial y el Fondu Monetariu Internacional^[24]. Tien ocupao, de 2001 a 2006 y de 2009 a 2014, el primer puestu nel ránking de los países en función del so Índiz de Desarrollu Humanu^[25].

Alredor del 994, de resultes de la cristianización d'Escandinavia, acabáronse dos sieglos d'espediciones de saquéu viquingues a les zones del sur y el oeste d'Europa. Noruega, en cuenta d'eso, entamó la so espansión territorial hacia partes de les islles de Gran Bretaña ya Irlanda, ocupando tamién les islles Feroe, Islandia y Groenlandia. El cumal de la so espansión alcontrámoslo en 1265, momentu nel que la combinación de la rivalidá coles ciudaes de la Lliga Hanseática y los estragos que fizo la peste debilitaron el país. En 1397 formó, con Suecia y Dinamarca, la Xunión de Kalmar, que, magar que foi abandonada por Suecia en 1523, persistió colos otros dos reinos axuntaos nún hasta casi trés sieglos dempués. En 1814 una Asamblea constituyente adoptó una constitución, pero Noruega siguió xunida con Suecia porque, de resultes del tratáu de Moss, dambos países teníen el mesmu rei, Carlos XIII de Suecia. Los conflictos nesta xunión foron permanentes y, en 1905 Noruega disolvió la xuntura tres d'un referendu. Esi mesmu añu elixó a un rei propiu, acabando asina con cinco sieglos de tar gobernada por un rei que nun vivía nel país. Pese a que'l país declarose neutral, l'Alemaña nazi ocupó'l país demientres cinco años na Segunda Guerra Mundial. En 1949 Noruega abandonó la neutralidá y integróse, como miembru fundador, na Organización del Tratáu del Atlánticu Norte. El descubrimientu de petroleu nes sos agües territoriales na década de 1960 permitió a la economía del país espolletar enforma, hasta convertise nún de los países más ricos del mundu.

1. ↑ URL de la referencia: https://www.regjeringen.no/nb/dokumenter/norge_internasjonalt/id87594/.
2. ↑ ^{2,0 2,1 2,2 2,3} URL de la referencia: https://www.regjeringen.no/nb/dokumenter/norge_internasjonalt/id87594/. Data de consulta: 25 marzu 2015.
3. ↑ URL de la referencia: http://mtcr.info/partners/. Data de consulta: 4 avientu 2017.
4. ↑ URL de la referencia: https://www.interpol.int/Member-countries/World. Editorial: Interpol. Data de consulta: 7 avientu 2017.
5. ↑ URL de la referencia: http://www.nuclearsuppliersgroup.org/en/participants1. Editorial: Grupu d'abastecedores nucleares. Data de consulta: 7 avientu 2017.
6. ↑ URL de la referencia: https://www.opcw.org/about-opcw/member-states/. Editorial: Organización pa la Prohibición d'Armes Químiques. Data de consulta: 7 avientu 2017.
7. ↑ URL de la referencia: http://mcce-mil.com/wp-content/uploads/glance/MCCE-AT-A-Glance-September-2017.pdf. Editorial: Centro de Coordinación de Movimientos Europeos. Data de consulta: 8 avientu 2017.
8. ↑ URL de la referencia: https://www.sacprogram.org/en/Pages/The%20Strategic%20Airlift%20Capability.aspx. Editorial: Strategic Airlift Capability. Data de consulta: 8 avientu 2017.
9. ↑ URL de la referencia: https://www.iho.int/srv1/index.php?option=com_wrapper&view=wrapper&Itemid=452&lang=en. Editorial: Organización Hidrográfica Internacional. Data de consulta: 8 avientu 2017.
10. ↑ URL de la referencia: https://www.iea.org/countries/membercountries/. Editorial: Axencia Internacional de la Enerxía. Data de consulta: 8 avientu 2017.
11. ↑ URL de la referencia: http://www.unesco.org/eri/cp/ListeMS_Indicators.asp.
12. ↑ URL de la referencia: http://www.upu.int/en/the-upu/member-countries.html. Data de consulta: 4 mayu 2019.
13. ↑ URL de la referencia: https://www.itu.int/online/mm/scripts/gensel8. Data de consulta: 4 mayu 2019.
14. ↑ URL de la referencia: https://www.touteleurope.eu/les-pays-membres-de-l-espace-schengen.html.
15. ↑ URL de la referencia: https://www.dhs.gov/visa-waiver-program-requirements. Data de consulta: 7 marzu 2020.
16. ↑ URL de la referencia: https://public.wmo.int/en/members/norway. Data de consulta: 26 mayu 2020.
17. ↑ URL de la referencia: https://www.who.int/choice/demography/by_country/en/. Data de consulta: 21 xunetu 2020.
18. ↑ URL de la referencia: https://www.gbif.org/country/NO/participation.
19. ↑ URL de la referencia: https://www.wcoomd.org/-/media/wco/public/global/pdf/about-us/wco-members/list-of-members-with-membership-date.pdf. Data de consulta: 16 marzu 2024. Páxina: 5. Supports qualifier: data de principiu.
20. ↑ URL de la referencia: https://holocaustremembrance.com/countries/norway. Data de consulta: 17 marzu 2024. Tipo de referencia: official member page. Supports qualifier: data de principiu.
21. ↑ El tratáu de Svalbard, firmáu'l 9 de febreru de 1920, reconoz la soberanía absoluta de Noruega sobre l'archipiélagu nomáu d'aquella Spitsbergen y anguaño Svalbard. National Research Council (U.S.). Polar Research Board (1986). Antarctic treaty system: an assessment. National Academies Press. ISBN 978-0-309-03640-5.
22. ↑ URL de la referencia: https://www.ssb.no/befolkning/folketall/statistikk/befolkning.
23. ↑ estimación
24. ↑ Los países más ricos del mundu, artículu de la revista Forbes (febreru 2012).
25. ↑ Ránking del IDH na web del Programa de Desarrollu de les Naciones Xuníes. Archiváu 2015-02-14 en Wayback Machine. Foi tamién, de 2010 a 2012, el país más democráticu del mundu según la medición del Democracy Index Democracy Index 2013, artículu de The Huffington Post del 21 de marzu de 2013. Archiváu 2015-07-01 en Wayback Machine