Perugia

Perugia
Alministración
País	Italia
Rexón	Umbría
Provincia	Provincia de Perusa
Tipu d'entidá	comuña d'Italia
Nome oficial	Perugia (it)
Nome llocal	Perugia (it)
Códigu postal	06121–06135
Xeografía
Coordenaes	43°06′44″N 12°23′20″E / 43.1121°N 12.3888°E / 43.1121; 12.3888
Perugia Perugia (Italia)
Superficie	449.51 km²
Altitú	493 m
Llenda con	Bastia Umbra (es) , Deruta (es) , Gubbio (es) , Marsciano (es) , Piegaro (es) , Umbertide (es) , Valfabbrica (es) , Asís (es) , Magione (es) , Torgiano (es) , Corciano (es) y Panicale (es)
Demografía
Población	161 748 hab. (1r xineru 2023)
Porcentaxe	25.34% de Provincia de Perusa
Densidá	359,83 hab/km²
Más información
Prefixu telefónicu	075
Estaya horaria	UTC+01:00 (horariu estándar) UTC+02:00 (horariu de branu)
Llocalidaes hermaniaes	Seattle, Constanța, Bratislava, Aix-en-Provence, Tübingen, Potsdam, Alatri, Grand Rapids, Siracusa, Contrada Sovrana dell'Istrice (en) , Olsztyn y Scranton (es)
comune.perugia.it

Perugia ye una ciudá italiana, capital de la provincia homónima y de la rexón d'Umbría. Asitiada a unos 164 km al norte de Roma, y a unos 148 km al suroeste de Florencia, ocupa'l cumal d'una colina, espardiéndose tamién polos valles de la so rodiada. La so población (2015) ye de 166.058 habitantes.

La historia de Perugia remóntase la periodu etruscu, una y bones Perugia (en llatín Perusia) foi una de les sos principales ciudaes. La ciudá, anguaño, ye famosa pelas sos universidaes. Amás de la Universidá de Perugia, fundada en 1308 y con 34.000 estudiantes, y la Universidá pa Foriatos (Università per Stranieri di Perugia, dedicada a la enseñanza de la llingua y la cultura italiana a foriatos), fundada en 1921 y con 5.000 estudiantes, hai un garapiellu d'instituciones académiques: l'Academia de Belles Artes Pietro Vannucci, un atenéu públicu fundáu en 1573; l'Institutu Universitariu de Mediación Llingüística, orientáu a traductores ya intérpretes; el Conservatoriu de Perugia, fundáu en 1788...

Esta ciudá ye ún de los centros culturales y artísticos d'Italia. Nella trabayó Pietro Vannucci, nomáu Perugino, mayestru del gran pintor renacentista Rafael, que decoró la nomada Sala del Cambio con una serie de frescos de gran belleza, y del que pueden vese tamién ocho cuadros na Galería Nacional d'Umbría. El so discípulo Rafael pintó cinco cuadros na ciudá, magar que dengún d'ellos sigue na ciudá. Tamién vivieron na ciudá otro pintor perfamosu, Pinturicchio, y l'arquitectu Galeazzo Alessi. El símbolu de la ciudá, visible n'estatues y edificios per tola ciudá, ye'l grifu.