Pete Townshend

Pete Townshend
Voz
Vida
Nacimientu	Londres[1], 19 de mayu de 1945[2] (79 años)
Nacionalidá	Reinu Xuníu
Familia
Padre	Cliff Townshend
Casáu con	Karen Townshend (1968 – div. 2010)[1] Rachel Fuller (2016 – )[1]
Estudios
Estudios	Ark Acton Academy (en) Ealing Art College (en)
Llingües falaes	inglés[3]
Oficiu	cantautor, guitarrista, cantante, compositor, banjista (es) , mandolinista, guionista, autobiógrafu, autor, editor
Participante Live Aid
Altor	1830 mm
Trabayos destacaos	Won't Get Fooled Again My Generation Pinball Wizard Tommy
Premios	ver Premiu Kennedy
Nominaciones	ver Academy Award for Best Original Song Score (en) (17 febreru 1976): Tommy
Miembru de	The Who Rockestra
Xéneru artísticu	rock
Mena de voz	tenor
Instrumentu musical	guitarra Mandolina voz ARP 2500 (es) ARP 2600 (es)
Discográfica	Warner Bros. Records Atco Records Atlantic Records Decca Records Track Record
IMDb	nm0870175
petetownshend.co.uk

Peter Dennis Blandford "Pete" Townshend (19 de mayu de 1945, Londres) ye un guitarrista, cantante y compositor británicu de rock, reconocíu principalmente pol so trabayu col grupu de rock The Who. La so carrera con The Who toma más de cuarenta años, mientres los cualos el grupu pasó a ser consideráu una de les bandes más influyentes de la década de 1960 y de 1970. Según declaró Eddie Vedder, líder de Pearl Jam: «The Who ye posiblemente'l meyor grupu en direutu».^[4]

Dientro de The Who, Townshend ye'l principal compositor y escribió más de cien canciones pa un total d'once discos d'estudiu del grupu, na so mayoría álbumes conceptuales y óperes rock como Tommy (1969), Quadrophenia (1973) y Endless Wire (2006). Tres la primer disolución del grupu en 1983, publicó trabayos conceptuales en solitariu como Empty Glass (1980), White City: A Novel (1986), The Iron Man: The Musical by Pete Townshend (1989) y Psychoderelict (1993), y entamó otres actividaes extramusicales como editor de Faber & Faber. Nel planu musical, anque'l so principal preséu ye la guitarra, toca otros preseos como los teclaos, el banjo, el baxu y sintetizadores.

Amás, contribuyó como collaborador o autor pa periódicos, artículos de revistes, crítiques de llibros, ensayos y guiones, y collaboró como compositor pa otros artistes y músicos. Foi asitiáu nel puestu trés de la llista de los meyores guitarristes nel llibru de Dave Marsh The New Book of Rock Lists,^[5] nel puestu 10 de la llista de los 50 ameyores guitarristes de la web de Gibson,^[6] y na mesma posición de la llista de los 100 ameyores guitarristes ellaborada pola revista Rolling Stone.^[7] En 1990, Townshend ingresó nel Salón de la Fama del Rock and Roll como miembru de The Who.

1. ↑ ^{1,0 1,1 1,2 1,3} Afirmao en: Who's Who. Identificador de Who's Who (Reino Unido): U37945. Editorial: A & C Black. Llingua de la obra o nome: inglés británicu. ISSN: 0083-937X.
2. ↑ Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
3. ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
4. ↑ Rolling Stone. «100 Greatest Artists: The Who Rolling Stone». Archiváu dende l'orixinal, el 27 de payares de 2015. Consultáu'l 18 de mayu de 2012.
5. ↑ Google Books. «The New Book of Rock Lists page 344». Consultáu'l 15 de mayu de 2012.
6. ↑ Gibson.com. «Top 50 Guitarists». Consultáu'l 15 de mayu de 2012.
7. ↑ Rolling Stone. «Rolling Stone 100 Greatest Guitarists of All Time». Archiváu dende l'orixinal, el 2008-03-14. Consultáu'l 15 de mayu de 2012.