Assos

Assos
39°29′26″ şm. e. 26°20′12″ ş. u.HGYO
Yer qeydləri
Assos
Vikianbarda əlaqəli mediafayllar

Assos (q.yun. Ἄσσος, lat. Assus), Bəhramkale və ya qısaca Bəhram ― Türkiyənin Çanaqqala ilinin Ayvacık ilçəsində tarixən mövcud olmuş zəngin şəhər. Şəhər Böyük Plininin dövründə Apollonia (Ἀπολλωνία) adını daşıyırdı.^[1]

Aristotel Afinadakı Platon Akademiyasından ayrıldıqdan sonra (Ksenokratın da qatıldığı) Assosa gəlir. O burada Hermi tərəfindən qarşılanır və şəhərdə akademiya açır.^[2] Aristotel həmçinin Herminin övladlığa götürdüyü qızı Fisias ilə evlənmişdir.^[2] Aristotel Assos akademiyasında bir qrup filosofun başçısı olur və onlarla birlikdə zoologiya və biologiya mövzusunda yenilikçi müşahidələr edir.^[2]

Farslar Assosa hücum etdikdə Kral Hermi tutuldu və öldürüldü.^[2] Aristotel dostu Makedoniyalı II Filippin idarə etdiyi Makedoniyaya qaçdı^[2] və burada Filipin oğlu Makedoniyalı İskəndərə dərs verməyə başladı.^[2] Şəhərin girişində Aristotelin müasir heykəli var.^[3]

Assosun dağıntıları 2017-ci ildən bəri Türkiyədəki Ümumdünya İrsi İlkin siyahısına daxil edilmişdir.^[4]

1. ↑ Plini. Təbiət tarixi. 5.32.
2. ↑ ^{1 2 3 4 5 6} "Ancient Greece: Aristotle". 2014-02-10 tarixində arxivləşdirilib. İstifadə tarixi: 2021-07-25.
3. ↑ Tucker, Jack. Innocents Return Abroad: Exploring Ancient Sites in Western Turkey. 2012. 17–18. ISBN 9781478343585.
4. ↑ "Archaeological Site of Assos". UNESCO World Heritage Centre. UNESCO. 15 April 2022 tarixində arxivləşdirilib. İstifadə tarixi: 4 June 2018.