Basler Rezepte

D' Basler Rezepte, Basla Rezept, aa Fuldaer Rezepte gnend) san woaschainli da ödasde Text iwahaupt, dea uns iwalifat is und den sei Schbroch zu mindest dailwais oidboarisch is. Es haundlt si dabai um drai medizinische Rezept fia Medikament geng faschidane Graunkheitn, fu dem des easchde auf Lodain is und des zwoate de Iwasezung fum easchdn in a oid-frenkischn/oid-boarischn Mischschbroch is. Des drite Rezept (uuidhar cancur - gengan Krebs) is auf Oid-Boarisch gschrim, owa mid an schdoakn anglsegsische Ainflus und is desweng a des schbrochwissnschoftlich am intressantane fu de drai. De Rezept han im 8dn Joahundat im Glosda Fulda aufgschrim woan und ling heit in da Univeasidetsbibliodek in Basl, in da Schwaiz. Fu do kimd a da Naum. Se han woaschainli de ödasdn zaumhengadn Text in iagend am oidhochdeitschn Idiom iwahaupt.