Habsburga

De Hobsburga san a eiropäische Dynastie. Den Nauman homs vo eanara Staumburg Hobsburg im Kanton Aargau in da Schweiz.

Mitglieda vo dera Dynastie hom vo 1273 bis 1918 imma wieda eiropäische Heascha gstöd: deitsche, spanische und portugiesische Kenige, remisch-deitsche Kaisa und estareichische Kaisa.

De ötaste Tochda vom Karl VI., de Maria Theresia, hod duach ia Vabindung min Franz I. Stephan ausn Haus Lothringen des Haus Habsburg-Lothringen grind. Des Haus hod daunn bis 1806 in remisch-deitschn Kaisa gstöd. Da letzte remisch-deitsche Kaisa Franz II. hod 1804 des Kaisatum Östareich grind, des wos 1867/68 in de Doppemonarchie Österreich-Ungarn umgwaundld wuan und 1918 untagaunga is. Nebnlinien vo Habsburg-Lothringen hom aa in Mexiko gheascht.