Janka

Da Janka (Janker) oder de Joppn (Joppe) is a Obagwand und entspricht da breissischn Jackn (Jacke). Ea hod Eamen und wead voan moast knepft, ko oba aa an Zipvaschluss ham.

En Janka und de Joppn nua af de Tracht z beziagn, wias im Deitschn oft vasuacht wead, is foisch und entspricht ned da boarischn Tradition.^[1][2] Janka und Joppn san im Boarischn Synonyme, obwoi Joppn eha zan legern Hausjanka gsogt wead. En Janka zan Lodnjanka und de Joppn zua Strickwestn z macha, is a breissische Eafindung.

Es gibt an Haffa vaschiedne Janka: vom Anorak iban Blazer bis zan Sackl (Sakko).

1. ↑ Johann Andreas Schmeller, Bayerisches Wörterbuch, Band 1. München 1872-77
2. ↑ Deutsch - Bairisch Wörterbuch