Trickster

Da Trickster is a archetypische Figua aus da Mythologie und da Literatua, den wo s ibaroi af da Wejd gibt. Ea is recht gscheid und nuzt sei Hianschmoiz fias Tricksn. Ea bricht imma wieda Regln und vahoid se unkonventionej. Ea is a Grenzgenga, dea wo oiss duachananda bringt, oba nacha oiss af ana andan Ebane wieda zammfiaht.

Da Trickster ko a God oda Geddin sei, a Mo, a Wei, a Geist oda a Viech. Da griachische God Hermes is a Trickster, de boarische Hobangoas und da Goggolori, da Pumuckl, da Pinocchio, da noadische God Loki, da Kaschpal, de slawische Kikimora, da Prometheus und da Sisyphus, da Bugs Bunny und da Peter Pan, da Robin Hood und da liabe Augustin, de Pippi Langstrumpf und da Bender aus Futurama.