Wuazn

De Wuazn oda Wuaz (ohb.: wurzala „as Gwundane“, dt.: Wurzel, engl.: root) is nem de Bladdln und en Schtengl bzw. Schtamm a wichtigs Organ vo fost oin Pflanzna (nua de Moose und a boar Wossapflanzna ham koane Wuazn nit).

In da Regl is de Wuazn im Bodn. Es gibt owa aa Luftwuazn und Wossawuazn. Hydrokuituan wean beischpuisweis nua in Wossa zong.

Mid da Wuazn nehma de Pflanzna Wossa af und domid aa Minaraischtoff. De Wuazn produziad fia de Pflanzna Hoamone und andana Schtoffe. Monchmoi wead de Wuazn vo da Pflanzn aa ois Speicha gnuzzt (z. B. Wuazngmias).