Mahabali

Si Mahabali (IAST: Mahābalī), bisto man na Bali, Indrasenan, o Māveli, sarong daityang hade na natampok sa Hinduismo. Siya an makuapo ni Prahlada, asin gikan sa sage na Kashyapa. Kadakol na mga bersyon kan saiyang osipon, sa suanoy na mga teksto arog kan Shatapatha Brahmana, Ramayana, Mahabharata, asin nagkapirang Puranas. Segun sa literaturang Hindu, siya pinalayas sa irarom kan daga pasiring sa patala (netherworld) ni Vamana avatar ni Vishnu.^[1][2][3]

Sa Hinduismo, si Mahabali ibinibilang na saro sa mga Chiranjivi, sarong grupo nin walong imortal. Tinutubod na siya an magigin Hade kan Svarga (langit) sa sunod na yuga. Sa Kerala, si Hadeng Mahabali ibinibilang na pinakanoble asin pinakamaasensong namamahala, na ginibo an saiyang kahadean na magin langitnon na lugar. An saiyang osipon sarong mayor na parte kan taonan na kapiyestahan na Onam sa estado nin Kerala, asin Balipratipada (ika-apat na aldaw nin Deepavali asin enot na aldaw kan bulan nin Kartika) festival sa Amihanan na India asin Tulunadu.^[1][4]

1. ↑ ^{1.0 1.1} PV Kane (1958). History of Dharmasastra, Volume 5 Part 1. Bhandarkar Oriental Research Institute. pp. 201–206. 
2. ↑ Nanditha Kirshna (2009). Book of Vishnu. Penguin Books. pp. 58–59. ISBN 978-81-8475-865-8. 
3. ↑ Narayan, R.K (1977). The Ramayana: a shortened modern prose version of the Indian epic. Mahabali story. Penguin Classics. pp. 14–16. ISBN 978-0-14-018700-7. 
4. ↑ Constance A Jones (2011). J. Gordon Melton, ed. Religious Celebrations: An Encyclopedia of Holidays, Festivals, Solemn Observances, and Spiritual Commemorations. ABC-CLIO. pp. 634, 900. ISBN 978-1-59884-205-0.