Black Sabbath

Артыкул вымагае праверкі арфаграфіі Удзельнік, які паставіў шаблон, не пакінуў тлумачэнняў. Магчымы машынны пераклад, ужыванне ненарматыўнага правапісу або лексікі. Для праверкі ёсць адмысловыя праграмы.

Black Sabbath
Асноўная інфармацыя
Жанры	метал, хэві-метал[1], дум-метал і хард-рок
Гады	1968—2006 2011—2017
Краіна	Вялікабрытанія
Адкуль	Бірмінгем
Мова песень	Англійская
Лэйблы	Vertigo Records[d], Mercury Records[d], Virgin EMI Records[d], Universal Music Group, Warner Bros. Records[d], I.R.S. Records[d], Sanctuary Records[d] і Warner Music Group
Склад	Озі Осбарн Tony Iommi[d] Geezer Butler[d] Bill Ward[d] Ronnie James Dio[d]
blacksabbath.com (англ.)
Медыяфайлы на Вікісховішчы

«Black Sabbath» — англійскі рок-гурт, створаны ў Бірмінгеме ў 1968 Озі Осбарнам (вакал), Тоні Аёмі (гітара), Гізерам Батлерам (бас-гітара) і Білам Уордам (ударныя). Гурт неаднаразова змяняў склад, мае агулам 22 былых удзельнікаў. Першапачаткова створаны як гурт цяжкага блюз-рока з назвай «Earth» («зямля»), паступова пачаў уключаць у музыку акультныя і вусцішныя тэксты, якія поруч з пераналаджанымі на больш нізкі строй гітарамі і зменай назвы на «Black Sabbath» прывялі да павелічэння папулярнасці і дасягнення залатога і плацінавага статусу ў 1970-х гадоў. Як адзін з першых і найбольш уплывовых хэві-метальных гуртоў усіх часоў^[2], «Black Sabbath» прыклаў руку да стварэння жанру дыскамі кшталту чатыры разы плацінавага «Paranoid» (1970)^[3]. Гурт быў прызнаны MTV як найвялікшы метал-гурт усіх часоў^[4]. Продажы склалі больш за 50 мільёнаў дыскаў толькі ў ЗША^[5].

Надалей праблемы Озі з алкаголем прывялі да яго зыходу з гурта ў 1979 годзе і прыходу на яго месца былога спевака «Rainbow» Роні Джэймса Дыё. Пасля пары альбомаў у такім складзе гурт перажыў у 1980-х―1990-х гадах шматлікія змены складу, меўшы ў розныя часы ў складзе Яна Гілана, Глена Х’юза, Рэя Гілэна і Тоні Марціна. У 1992 годзе на кароткі час у гурт вярнуўся Дыё, з якім быў запісаны альбом «Dehumanizer» (1992), які і дагэтуль з’яўляецца найцяжэйшым альбомам гурта. Арыгінальны склад аб’яднаўся ізноў у 1997 годзе і паспеў выпусціць канцэртны альбом «Reunion». У 2006 годзе музыкі з складу гурта перыядаў 1979—1982 і 1991—1992 гадоў (Аёмі, Батлер, Дыё і Эпіс) сабраліся зноў у выглядзе гурта «Heaven & Hell», дзе выступалі да смерці Дыё 16 мая 2010 года.

7 сакавіка 2017 года гурт абвясціў аб распадзе.^[6]

1. ↑ Metal Evolution — 2011.
   <a href="https://wikidata.orgview.php?sq=crain_ford&lang=be&q=Track:Q1763472"></a>
2. ↑ http://www.rollingstone.com/artists/blacksabbath/albums/album/227113/review/5946174/sabbath_bloody_sabbath Архівавана 30 снежня 2007.
3. ↑ http://www.allmusic.com/album/r1999
4. ↑ Архіўная копія (нявызн.)(недаступная спасылка). Архівавана з першакрыніцы 19 сакавіка 2008. Праверана 23 снежня 2013.
5. ↑ http://www.riaa.com/goldandplatinumdata.php?resultpage=2&table=tblTopArt&action=
6. ↑ Black Sabbath officially announce The End