Bacot

Bacot^[1][2][3] (hurup Arab Gundul: باچوت) atawa mulut^[1] (hurup Arab Gundul: مولوت) atawa cocot (hurup Arab Gundul: چوچوت) atawa cangkem^[1](hurup Arab Gundul: چڠکم) atawa bangus^[1] (hurup Arab Gundul: باڠوس) atawa congor^[3] (hurup Arab Gundul: چوڠور) atawa cungap^[4] (hurup Arab Gundul: چوڠف) entu ablagan di muka èn bagèan pertama deri sistim penyernaan. Ni tempat di mana makanan dikamus-kamus. Mulut gableg gigi bakal ngamus-ngamus makanan.

Selaènnya dia punya rol utama dalem awalnya sistim penyeraan, orang punya mulut entu gableg ngomong. Lida, bibir, èn rahang, nyang bagèan deri mulut, dibutuin kanggo bakal ngasilin macem-macem suara dalem basa manusia. Orang juga' bisa ngesun ama ngasi unjuk dia punya perangsaan paké dia punya mulut.

1. ↑ ^{a b c d} Grijns, C.D. (1991). Jakarta Malay. J. 2. KITLV Press. h. 110.
2. ↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta.
3. ↑ ^{a b} Saidi, Ridwan. (2007). Glosari Betawi: Kamus kata-kata, nama, dan peristiwa dari zaman prasejarah hingga zaman moderen. Betawi Ngeriung.
4. ↑ Narji. (2018). Kamus Bahasa Betawi Tangerang Selatan. Pustaka Kaji. h. 41.