Sepur

Sepur (hurup Arab Gundul: سفور) atawa kerèta (hurup Arab Gundul: کريتا) entu rangkéan wahon atawa gerbong nyang dibungsel bareng paké atawa sonder bumel. Sepur kanggo bakal ngangkut orang èn barang-barang kaya' bahan baku, barang jadi, angkutan, atawa sampa. sepur nyang bawa angkutan disebut wahon atawa gerbong. Sepur nyang ngangkut penumpang biasanya disebut kerèta. Tempat di mana sepur ngerandek bakal taèk-turunin orang disebut sebagé stapsiun.

Sepur ada punya jalurnya sendèwèk nyang dipaké bakal arah jalannya nyang maké kuda atawa ditarik ama kabel. Menjuntrung ke pengembangan bumel uap di Kerajaan Manunggal taon 1804, sepur lekes nyebar ke seluru penjuru dunia, ngeja angkutan èn penumpang pindah-pindah tempat lebi cepet lagi lebi murah dibandingin sebelonnya. Sepur jalan èn trèm dikeja di akhir taon 1800-an bakal orang-orang banyak punya angkot èn ngiderin kota. Awal taon 1920-an dalem penglekesan menjuntrung ke perang dunia kedua, bumel disel èn lèstrik nggantiin bumel uap bakal bahan bakar utama. Menjuntrung ke perkembangan mobil, trek, èn jaringan tol nyang ngasiin mobilitèt secepet kapal terbang, sepur malah kurang didemenin èn banyak tundanan malah kapiran.