Djibouti

جمهورية جيبوتي (Jumhūriyyat Jībūtī) (ar) République de Djibouti (fr) Gabuutih Ummuuno (aa) Jamhuuriyadda Jabuuti (so) Republik Djibouti
Banniel Skoed-ardamez
Ger-stur : Ubumwe, Umurimo, Gukunda Igihugu "Unaniezh, Labour, Brogarantez"
Kan broadel: Djibouti
Kêr-benn	Djibouti 11°36′N 43°10′R
Yezh(où) ofisiel	arabeg ha galleg 1
Gouarnamant	Republik
- Prezidant	Ismail Omar Guelleh
- Kentañ ministr	Abdoulkader Kamil Mohamed
Gorread
- Hollad	23 200 km² (149vet)
- Dour (%)	0,09
Poblañs
- istimadur Gouere 2007	496 374 ()
- niveradeg 2009	818 159
- Stankter	35.3/km² (168vet)
Moneiz	Lur Djibouti (DJF)
Gwerzhid-eur	(UTC+ 3)
- Hañv (Eur hañv)	(UTC+ 3)
Kod kenrouedad	.dj
Kod pellgomz	+253
1 Daoust ma n’eus nemet an arabeg hag ar galleg zo ofisiel, e vez implijet stank ar somalieg hag an afareg er vro.

Republik Djibouti zo ur vro vihan e reter Afrika. Harzoù he deus gant Eritrea en norzh, Etiopia er c’hornôg hag er su, ha Somaliland er gevred. Er reter emañ ar Mor Ruz ha Pleg-mor Aden, gant Yemen en tu all d’ar mor. Kêr Djibouti eo ar gêr-benn.

Un drevadenn c’hall e teuas ar vro da vezañ en XIX^vet kantved pa voe graet emglev etre pennoù an Afared hag an arme c’hall ha pa voe prenet douaroù gant Bro-C'hall en-dro da borzh Obock. Graet e voe Côte française des Somalis (Aod c'hall ar Somalianed) eus ar vro e dalc’h ar C’hallaoued betek 1967 ha, goude-se, Territoire Français des Afars et des Issas, betek 1977, pa zeuas da vezañ dizalc’h, dindan an anv Republik Djibouti.