Eisteddfa Gurig

Eisteddfa Gurig zo ur gêriadenn vihan eus Ceredigion^[1], war harzoù Powys, e Kembre. Emañ hanter-hent etre Aberystwyth er c'hornôg ha Rhaeadr Gwy er reter.

Redek a ra an Afon Tarenig war-zu ar reter, dre Eisteddfa Gurig, hag en em deurel er stêr Gwy, izeloc'h en draoñienn.

Anvet eo Eisteddfa Gurig diwar sant Curig. Kontañ a reer e oa bet eno, deuet eus e beniti e Llangurig, pemzek kilometr izeloc'h er reter.

Darempredet e vez Eisteddfa Gurig gant baleerien a ya da gerzhet betek lein Pumlumon.