Eoul-maen

An eoul-maen^[1], pe tireoul^[2] pe petrol^[3], zo ul liñvenn zu pe c'hell-du a gaver e reier splu.
Eus hidrokarbonoù e c'hoarvez, dreist-holl alkanoù mesket gant elfennoù nann-metalek evel ar sulfur pe an nitrogen. Gallout a ra ivez enderc'hel metaloù evel ar vanadiom.

D'ober temzoù, dileizherien, plastikoù hag astuzlazherioù e vez talvoudekaet. Unan eus an andonioù energiezh pennañ er bed a-vremañ eo. Gantañ e reer d'ober treloskoù evel ar strilheoul pe ar c'herozen pe d'ober tredan. Ur c'horvoder nann-aznevezadus eo an eoul-maen, ha kalz tud a zo aon ganto e krogo da vankout en dazont tost (gwelet pikenn eoulmaenek).

1. ↑ Geriadur istorel ar brezhoneg p. 749 ha Devri.
2. ↑ Geriadur brezhoneg An Here, Geriadur Ménard ha TermOfis.
3. ↑ Roparz Hemon, Nouveau dictionnaire breton-français p. 636b.