Our website is made possible by displaying online advertisements to our visitors.
Please consider supporting us by disabling your ad blocker.
Maiden Castle
Maiden Castle zo ur c'hreñvlec'h eus Oadvezh an Houarn, er mervent da gêr Dorchester, e kreisteiz Bro-Saoz[1].
Kreñvlec'hioù evel-se, a anver bryngaerioù e kembraeg, a voe savet war torgennoù un tamm e pep lec'h dre Enez Vreizh da vare Oadvezh an Houarn, gant fozioù ha kleuzioù douar ha mein, graet d'en em zifenn a bep tu.
Ne ouzer ket petra eo orin an anv Maiden Castle : gallout a rafe bezañ un anv saoznek modern, o talvezout kement ha "kastell ar werc'hez", abalamour ma seblante diaes da aloubiñ, pe gallout a rafe bezañ un anv keltiek, deveret eus mai-dun, elez "kreñvlec'h meur".
En em astenn a ra war tost da 19 hektar. Soñjal a reer e voe savet an difennoù kentañ war-dro 2000 kent JK. Furchet e voe al lec'h gant an arkeologour Mortimer Wheeler ha gantañ e voe kavet roudoù eus ur gêriadenn eus Oadvezh an Houarn, war-dro 400 kent JK. Aloubet e voe gant ar Romaned er bloavezh 43 ha dilezet e voe war-dro 70.
- ↑ (en) Maiden Castle
Previous Page Next Page
