Mobutu Sese Seko

Mobutu Sese Seko

den

Reizh pe jener	paotr
Bro ar geodedouriezh	Republic of the Congo (Léopoldville), Zair
Anv e yezh-vamm an den	Mobutu Sese Seko Kuku Ngbendu wa Za Banga
Anv ganedigezh	Joseph-Désiré Mobutu
Deiziad ganedigezh	14 Her 1930
Lec'h ganedigezh	Lisala
Deiziad ar marv	7 Gwe 1997
Lec'h ar marv	Rabat
Doare mervel	abeg naturel
Abeg ar marv	prostate cancer
Lec'h douaridigezh	Rabat
Pried	Bobi Ladawa Mobutu, Marie-Antoinette Gbiatibwa Gogbe Mobutu
Bugel	Nzanga Mobutu, Kongulu Mobutu, Giala Mobutu
Den heverk	William Close
Yezhoù komzet pe skrivet	lingala, galleg, Ngbandi
Micher	politiker, kazetenner, milour
Karg	prezidant Republik Demokratel Kongo, Presidant Aozadur an unaniezh afrikan
Bet war ar studi e	Collège du Léman
Lec'h annez	Gbadolite, Rabat
Strollad politikel	Popular Movement of the Revolution
Relijion	Iliz katolik roman
Grad milourel	marshal
Brezel	Congo Crisis, Shaba II, Chadian–Libyan War, Angolan Civil War, Brezel kentañ Kongo
Skour lu	Force Publique, Armed Forces of the Democratic Republic of the Congo
Luskad	Authenticité

Mobutu Sese Seko Nkuku Ngbendu wa Za Banga (ganet Joseph-Désiré Mobutu d'ar 14 a viz Here 1930 - 7 a viz Gwengolo 1997) a voe eil prezidant Republik Demokratel Kongo adalek 1965 betek 1997.

Goude bezañ bet en arme e voe kazetenner hag emezelañ a reas d'an MNC (Mouvement National Congolais), strollad Patrice Lumumba. Goude dizalc'hiezh ar vro d'an 30 a viz Even 1960 e voe anvet e penn arme Kongo pa oa Joseph Kasa-Vubu prezidant ha Lumumba ministr kentañ. Buan e tarzhas un enkadenn vras er vro hag enebiezh etre Kasa-Vubu ha Lumumba. D'ar 14 a viz Gwengolo ec'h aozas Mobutu un taol-nerzh, sikouret gant ar CIA, ha herzel Lumumba. Pemp bloaz goude, d'ar 25 a viz Du 1965, e tistroadas ar prezidant Kasa-Vubu ha mont da eil prezidant Kongo.

E 1967 e krouas an MPR (Mouvement Populaire de la Révolution), strollad politikel nemetañ aotreet, ha rediañ holl annezidi ar vro da emezelañ ennañ. E 1971 e cheñchas anv ar vro da Zair, reiñ urzh d'an annezidi dilezel o anv european evit anvioù afrikan ha rediañ ar wazed da wiskañ an abacost. E 1972 e kemeras an anv Mobutu Sese Seko Nkuku Ngbendu wa Za Banga, berraet e Mobutu Sese Seko.

Kas a reas soudarded da skoazellañ an FLNA a-enep an MPLA komunour en Angola e 1975. E 1977 ha 1978 eo Agostinho Neto an hini hag a skoazellas emsavidi katangat a-benn gwanaat renad Mobutu.

Pa echuas ar Brezel Yen e 1990 e paouezas ar sikour roet d'e renad gant SUA ha kreskiñ an enebiezh outañ e diabarzh ar vro. Aotren a reas neuze ar strolladoù politikel all.

Brezel kentañ Kongo a grogas e miz Du 1996 ha d'ar 16 a viz Mae 1997 e voe aloubet Kinshasa gant soudarded Laurent-Désiré Kabila. Mobutu, klañv gant ur c'hrign-bev, a rankas tec'hel kuit ha kavout repu e Togo ha Maroko ma varvas d'ar 7 a viz Gwengolo 1997.

g • ka • ke Prezidanted Republik Demokratel Kongo
Republik Kongo Joseph Kasa-Vubu  · Mobutu Sese Seko Republik Zair Mobutu Sese Seko Republik Demokratel Kongo Laurent-Désiré Kabila  · Joseph Kabila  · Jean-Michel Sama Lukonde