Mor Adria

Ul lodenn eus ar Mor Kreizdouar eo Mor Adria, pe ar Mor Adriatek, lec’hiet etre ledenez Italia, er C’hornaoueg, ha ledenez ar Balkanoù, er Reter. En em astenn a ra eus pleg-mor Venezia en Norzh da ganol Otranto er Su. Drezañ eo digor war ar peurrest eus ar Mor Kreizdouar.

En-dro da Vor Adria e kaver ar broioù-mañ : Italia, Slovenia, Kroatia, Bosnia-Herzegovina, Montenegro hag Albania.

En-dro da Vor Adria e kaver porzhioù-mor pouezus, en o zouez :

• Rijeka ha Split e Kroatia,
• Koper e Slovenia,
• porzhioù italian Bari, Ancona, Venezia (Mestre) ha Trieste (a oa un nor war-zu ar Mor Kreizdouar evit Aostria-Hungaria gwechall).

Gorread : 160 000 km2
Donder brasañ : 1460 m
Donder keitat : 240 m