Our website is made possible by displaying online advertisements to our visitors.
Please consider supporting us by disabling your ad blocker.
Rusianeg
| Rusianeg (русский язык) | |
|---|---|
 MM Ofisiel MM Stank | |
| Perzhioù | |
| Komzet e : | Rusia ha meur a vro all |
| Rannved : | Europa ar reter hag Azia |
| Komzet gant : | 260 milion |
| Renkadur : | 4-7 |
| Familh-yezh : | Yezhoù indezeuropek
|
| Statud ofisiel | |
| Yezh ofisiel e : |  Rusia  Belarus  Kazakstan  Kirgizstan  Aozadur ar Broadoù Unanet
|
| Akademiezh : | Росси́йская Акаде́мия Нау́к |
| Urzh ar gerioù : | SVO |
| Kodoù ar yezh | |
| ISO 639-1 | ru |
| ISO 639-2 | rus |
| ISO 639-3 | rus |
| Kod SIL | RUS |
| Sellit ivez ouzh ar pennad Yezh. | |
Ar rusianeg[1], pe ruseg[2], pe rouseg[3] (ру́сский язы́к, rousski yezik) zo ur yezh eus skourr slavek ar reter e familh ar yezhoù indezeuropek. Er strollad-se emañ ivez an ukraineg hag ar belaruseg. Ouzhpenn 300 milion a rusegerien zo. Yezh ofisiel Kevread Rusia, Belarus, Kazakstan ha Kirgizstan eo, an tu kreñv a zo gantañ e rannvroioù 'zo eus Ukraina (pergen e Su hag e Reter ar vro hag er gêr-benn Kiev), e Moldova, Latvia, Estonia ha broioù all bet e-barzh an Unaniezh Soviedel. Yezh daremprediñ eo e-barzh Kenglad ar Stadoù Dizalc'h, hag ur statud a yezh ofisiel en deus ivez en Aozadur ar Broadoù Unanet.
Reoliet eo gant Росси́йская Акаде́мия Нау́к (Akademiezh skiantoù Rusia).
Ober a reer gant ul lizherenneg kirillek a 33 lizherenn evit skrivañ ar rusianeg. Dibar eo ar yezh evit meur a abeg. Daou fonem disheñvel a c'hall bezañ al lodenn vrasañ eus he c'hensonennoù : unan staonekaet (blot) hag egile drekstaonekaet (kalet). War lerc'h ar c'hensonennoù kalet emañ ar vogalennoù а, е (er gerioù estren), э, о, у, ы, ъ (doare skrivañ kozh) pe vogalenn ebet, ha war lerc'h ar c'hensonennoù blot emañ ar vogalennoù я, е, ё, и, ю, ь. Atav kalet eo ar c'hensonennoù ж, ш ha ц, atav blot eo ч ha щ. Ur yezh taol-mouezhiet eo ar rusianeg. Cheñch a ra distagadur ar vogalennoù n'int ket pouezet. Gallout a ra plas an taol-mouezh cheñch ster ar ger eta : da skouer замо́к (zamok, hag a dalv kement ha krogenn-alc'hwez) and за́мок (zamak, kastel).
- ↑ Stumm nemetañ e Geriadur Vallée, Geriadur Martial Ménard, Geriadur brezhoneg An Here, Geriadur R. Le Gléau, en tu galleg-brezhoneg Geriadur Hemon-Huon ...
- ↑ Geriadur brezhoneg-galleg Roparz Hemon, Geriadur ar brezhoneg a-vremañ, geriadur enlinenn G. Cornillet.
- ↑ Hervez André Markowicz ha Yann-Varc'h Thorel.
Previous Page Next Page
