Our website is made possible by displaying online advertisements to our visitors.
Please consider supporting us by disabling your ad blocker.
Sopron
|
| |
|---|---|
| Riez | Hungaria |
| Rannvro (Megye) | Győr-Moson-Sopron |
| Kod post | 9400 |
| Kod pellgomz | (36) 90 |
| Maer (Polgármester) | Dezsõ Walter |
| Gorread | 169.06 km² |
| Hed | 16° 34' 49" R |
| Led | 47° 41' 12" N |
| Uhelder | 212 m |
| Poblañs hep kontoù doubl | 55 932 (2001) |
| Stankter | 330.84/km² |
Sopron [ˈʃopron] (kroateg Burgenland: Šopron; alamaneg: Ödenburg) a zo ur gêr e Hungaria ar Gwalarn, lec'hiet 60 km nemetken eus Vienna (Aostria). Unan eus kêrioù koshañ ar vro eo: diazezet e oa gant ar Romaned hag a rae Scarbantia anezhi. Póncihter (< alam. Bohnenzüchter, "saverien fav") a vez graet eus Soproniz en hungareg.
Pa gouezhas Burgenland e dalc'h Aostria diwar feur-emglev Trianon e 1921, e voe lakaet Sopron da gêr-benn ar stad-kevredet-se gant gouarnamant Aostria. Dre ur referendom e chomas stag ouzh Hungaria avat. Abalamour da se e voe roet titr Civitas fidelissima ("kêr fealañ") dezhi gant gouarnamant Hungaria.
Etre 1946 ha 1989 e chome troc'het al liammoù sevenadurel hag armerzhel etre Sopron hag ar Burgenland. N'eo ket dre zegouezh ez eo bet diskaret ar Rideoz Houarn amañ da gentañ (d'an 2 a viz Mae 1989).
Divyezhek (hungareger hag alamaneger) eo poblañs Sopron, hag an alamaneg a zo bet lakaet da yezh kenofisiel.
Previous Page Next Page
