Suamerika

Suamerika, pe Amerika ar Su (ivez Kreisteizamerika, Amerika ar C'hreisteiz, Amerika an Traoñ, anvadurioù fazius e-keñver douaroniezh, pe geokreizennet war doare gwelet tud eus norzh ar voul-Douar), a zo pe ur c'hevandir, pe un iskevandir (a-gevret gant Norzhamerika) ha rann neuze eus Amerika, hervez ar savboentoù. Er c'hornaoueg dezhi emañ ar Meurvor Habask hag er reter ar Meurvor Atlantel.

17 840 000 km² eo gorread Amerika ar Su, tost da vat 3,5% eus gorread an Douar. Er bloaz 2005 e oa en Amerika ar Su war-dro 371 000 000 a dud o vevañ, ar pezh a ra war-dro ur bempvedenn eus poblañs ar bed.